ఒకప్పుడు పాశ్చాత్య దేశాలకు మాత్రమే పరిమితమైన పిజ్జాలు, బర్గర్లకు ఇప్పుడు దాదాపు అన్ని దేశాల్లో విపరీతమైన ఆదరణ దక్కుతోంది. దీనితో 'ఫాస్ట్ ఫుడ్' మార్కెట్ కూడా అంతే వేగంగా వృద్ధి సాధిస్తోంది. ప్రపంచవ్యాప్తంగా దాదాపు ప్రతి ప్రధాన నగరాల్లో ఫ్రాంఛైజీలను నడిపిస్తున్నాయి ఆయా ఫాస్ట్ ఫుడ్ రెస్టారెంట్ నిర్వహణ సంస్థలు.
ఇలా ప్రపంచంలోనే అత్యధికంగా ఔట్లెట్లు ఉన్న సంస్థలు ఏవి? వాటి వార్షిక ఆదాయం ఎంత?
స్టార్ బక్స్(Starbucks)
1971లో ఈ సంస్థ ప్రారంభమైంది.
ప్రపంచవ్యాప్తంగా స్టార్ బక్స్కు 32,660 ఫ్రాంఛైజీలు ఉన్నాయి.
గత ఏడాది నాటికి 83 దేశాల్లో ఈ సంస్థ కార్యకలపాలు సాగిస్తోంది. భారత్లో ఈ సంస్థ టాటా గ్రూప్తో కలిసి పని చేస్తుండటం గమనార్హం.
2020లో ఈ సంస్థ దాదాపు 26.7 బిలియన్ డాలర్ల ఆదాయాన్ని గడించింది. ప్రపంచవ్యాప్తంగా స్టార్ బక్స్ కాఫీహౌస్లకు భారీ డిమాండ్ ఉంది.
మెక్ డొనాల్డ్స్(McDonalds)
మెక్డీ 1940 మార్చి 15న ప్రారంభమైంది.
ప్రపంచవ్యాప్తంగా దీనికి 38,695 ఫ్రాంఛైజీలు ఉన్నాయి.
2020లో ఈ సంస్థ ఆదాయం 20.8 బిలియన్ డాలర్లుగా నమోదైంది. హామ్బర్గర్ మార్కెట్లో దీనికి ప్రత్యేక గుర్తింపు ఉంది.
కేఎఫ్సీ(KFC)
కేఎఫ్సీ పూర్తి పేరు కెంటకీ ఫ్రైడ్ చికెన్. 1930లో ఇది సాండర్స్ కోర్ట్&కేఫ్ పేరుతో రెస్టారెంట్ నిర్వహించింది. 1952లో తొలి ఫ్రాంఛైజీ ప్రారంభించింది.
ప్రస్తుతం ప్రపంచవ్యాప్తంగా 24,104 ఫ్రాంఛైజీలను నిర్వహిస్తోంది కేఎఫ్సీ.
గత ఏడాది ఈ సంస్థ ఆదాయం 26.2 బిలియన్ డాలర్లుగా ఉంది.
సబ్వే..(Subway)
1965 నుంచి సబ్వే ఫాస్ట్ఫుడ్ ఫ్రాంఛైజీలను నిర్వహిస్తోంది.
ప్రపంచవ్యాప్తంగా దీనికి 42,600 ఫ్రాంఛైజీలు ఉన్నాయి.
సబ్వే ఆదాయం 2020లో 10.4 బిలియన్ డాలర్లుగా నమోదైంది.
డోమినోస్..(DOmino's)
డోమినోస్ 1960లో ప్రారంభమైంది.
ప్రపంచవ్యాప్తంగా డోమినోస్కు 17,020 ఫ్రాంఛైజీలు ఉన్నాయి.
2020లో డోమినోస్ 3.62 బిలియన్ డాలర్ల ఆదాయాన్ని గడించింది.పిజ్జా అనగానే.. చాలా మందికి గుర్తెచ్చే బ్రాండ్ ఇదే అనడంలో సందేహం లేదు.
పిజ్జా హట్..(Pizza Hut)
పిజ్జా హట్ 1958 నుంచి ఫాస్ట్ఫుడ్ రెస్టారెంట్లను నిర్వహిస్తోంది.
ప్రపంచవ్యాప్తంగా ఈ సంస్థకు 18,703 ఫ్రాంఛైజీలు ఉన్నాయి.
2020లో దీని ఆదాయం 1.5 బిలియన్ డాలర్లు నమోదైంది. భారత్ సహా ప్రపంచవ్యాప్తంగా పిజ్జా బిజినెస్లో డోమినోస్కు గట్టి పోటీ ఇస్తోంది ఈ సంస్థ.
డంకిన్ డోనట్స్..(Donkin Donuts)
ఈ సంస్థ 1950లో ప్రారంభమైంది. అమెరికా సహా పలు ఇతర దేశాల్లో డంకిన్ పేరుతో కార్యకలాపాలు సాగిస్తోంది. ఇతర దేశాల్లో డంకిన్ డోనట్స్ పేరుతోనే ఫ్రాంఛైజీలను నిర్వహిస్తోంది.
ప్రపంచవ్యాప్తంగా ఈ సంస్థకు 12,500లకు పైగా ఫ్రాంఛైజీలు ఉన్నాయి.
గత ఏడాది 1.37 బిలియన్ డాలర్ల ఆదాయన్ని గడించింది ఈ సంస్థ.
బర్గర్ కింగ్..(Burger)
1954లో బర్గర్ కింగ్ ప్రారంభమైంది. ప్రపంచవ్యాప్తంగా 18,838 ఫ్రాంఛైజీలను నిర్వహిస్తోంది. 2020లో 1.3 బిలియన్ డాలర్ల ఆదాయాన్ని నమోదు చేసింది.
ఈ సంస్థలన్నీ అమెరికా కేంద్రంగానే పని చేస్తుండటం గమనార్హం.
