రిలయన్స్ ఇండస్ట్రీస్కి చెందిన రిలయన్స్ రిటైల్ వెంచర్స్.. భారత్లో కన్వెనియెన్స్ స్టోర్లను నడిపించనుంది. ఇందుకోసం అమెరికాకు చెందిన 7-ఎలెవెన్ సంస్థతో మాస్టర్ ఫ్రాంఛైజీ ఒప్పందం కుదుర్చుకుంది.
ఈ ఒప్పందంలో భాగంగా.. మొదటి కన్వెనియెన్స్ స్టోర్ను ముంబయిలోని అందేరీ ఈస్ట్లో.. ఈ శనివారమే ప్రారంభించనున్నట్లు రిలయన్స్ రిటైల్ ప్రకటించింది. త్వరలోనే మరిన్ని స్టోర్లను ముంబయిలోని వాణిజ్య సముదాయాలు, ఇతర ప్రాంతాలలో ఏర్పాటు చేయనున్నట్లు తెలిపింది.
కిశోర్ బియానికి చెందిన ఫ్యూచర్ రిటైల్.. 7-ఎలెవెన్ గ్రూప్తో ఒప్పందం రద్దు చేసుకుంటున్నట్లు చెప్పిన రెండు రోజులకే రిలయన్స్ రిటైల్ ఈ ప్రకటన చేయడం గమనార్హం.
ఏమిటి ఈ కన్వెనియెన్స్ స్టోర్లు?
స్థానిక అవసరాలు, అలవాట్ల ఆధారంగా.. అక్కడి వినియోగదారులకు అవసమైన రోజువారిగా వాడే సరుకులు, తినుబండారాలు, పానియాలను విక్రయించేవే ఈ కన్వెనియెన్స్ స్టోర్లు. అమెరికా వంటి దేశాల్లో ఈ స్టోర్లకు మంచి డిమాండ్ ఉంది. 7-ఎలెవెన్ సంస్థ ప్రపంచవ్యాప్తంగా 18 దేశాల్లో 77 వేలకుపైగా కన్వెనియెన్స్ స్టోర్లను నిర్వహిస్తోంది.
ఇదీ చదవండి: 'ప్రైవేటీకరణ తర్వాత ఎయిర్ ఇండియాకు పూర్వ వైభవం'
