ప్రముఖ స్టాక్ మార్కెట్ పెట్టుబడిదారుడు రాకేశ్ ఝున్ఝున్వాలా కొత్త వ్యాపారంలోకి అడుగుపెట్టబోతున్నారు. ఆకాశ ఎయిర్ పేరుతో అత్యంత తక్కువ ధరకే విమాన ప్రయాణం అందించే ఎయిర్లైన్స్ను ప్రారంభించనున్నారు. ఈ కొత్త ఎయిర్లైన్ ఏర్పాటు చేసిన నాలుగేళ్లలోపే 70 విమానాలను కలిగి ఉండేలా ప్రణాళికలు రచిస్తున్నట్లు చెప్పారు. రానున్న రోజుల్లో విమాన ప్రయాణాలు పెరగనున్నాయని తెలిపారు.
"ఆకాశ ఎయిర్- అత్యంత తక్కువ ధరలకే విమాన ప్రయాణం కల్పించనుంది. డెల్టా ఎయిర్లైన్స్ సంస్థ మాజీ సీనియర్ ఎగ్జిక్యూటివ్ సహా ఇతర టీం సభ్యులు.. ఈ ఎయిర్లైన్స్లో 180 మంది ప్రయాణించే వీలు కలిగిన విమానాల కోసం ప్రణాళికలు రచిస్తున్నారు. భారత విమానయాన రంగంలో డిమాండ్కు తగ్గట్లుగానే ధరలు పెరగటం ఆందోళన కలిగిస్తోంది. "
- రాకేశ్ ఝున్ఝున్వాలా, వ్యాపారవేత్త
ఆకాశ ఎయిర్ సంస్థలో రాకేశ్ ఝున్ఝున్వాలా సుమారు 35 మిలియన్ డాలర్లు (రూ.260 కోట్లు) పెట్టుబడులు పెట్టనున్నట్లు తెలుస్తోంది. దీంతో 40 శాతం మేర సంస్థ ఆయన అధీనంలోనే ఉండనుంది. వచ్చే 15 రోజుల్లోనే పౌర విమానయాన శాఖ నుంచి నిరభ్యంతర పత్రం అందుతుందనే ఆశాభావం వ్యక్తం చేశారు రాకేశ్.
ఇదీ చూడండి: 'బిగ్ బుల్' కొనగానే ఆ షేర్లు 3.4% జంప్
