టెక్ దిగ్గజం మైక్రోసాఫ్ట్.. భారత్కు చెందిన అతిథ్య రంగ కంపెనీ ఓయోలో భారీగా పెట్టుబడులు పెట్టేందుకు సిద్ధమైంది. ప్రస్తుతం 9 బిలియన్ డాలర్ల (రూ.66,947 కోట్లు) విలువ కలిగిన ఈ కంపెనీ.. త్వరలోనే ఐపీఓకు వచ్చేందుకు ప్రణాళికలు రూపొందిస్తోంది. అంతకు ముందే.. మైక్రోసాఫ్ట్ ఈ సంస్థలో పెట్టుబడులు పెట్టొచ్చని విశ్వసనీయ వర్గాల సమాచారం. ఈ డీల్ విలువ ఎంతనేది మాత్రం తెలియరాలేదు.
ఈ విషయంపై మైక్రోసాఫ్ట్, ఓయో నుంచి ఇప్పటి వరకు ఎలాంటి అధికారిక ప్రకటన వెలువడలేదు.
ఓయోకు.. అమెరికాకు చెందిన అతిథ్య రంగ సంస్థ ఎయిర్ బీఎన్బీ, చైనాకు చెందిన క్యాబ్ సేవల సంస్థలు దీదీ, గ్రాబ్ వ్యూహాత్మక భాగస్వాములుగా ఉన్నాయి.
ఐపీఓ అంశాన్ని పరిశీలిస్తున్నట్లు సంస్థ వ్యవస్థాపకుడు, సీఈఓ రితేశ్ అగర్వాల్ గత నెల అధికారికంగా ప్రకటించారు. మరోవైపు.. గ్లోబల్ ఇన్స్టిట్యూషనల్ ఇన్వెస్టర్స్ నుంచి టీం లోన్ బీ (టీఎల్బీ)గా.. 660 మిలియన్ డాలర్ల నిధులను సమీకరించినట్లు ఓయో ప్రకటించింది. ఈ నేపథ్యంలోనే మైక్రోసాఫ్ట్ పెట్టుబడిపై అంచనాలు పెరిగిపోయాయి.
ఇదీ చదవండి: ఐటీ రూల్స్ ఎఫెక్ట్- గూగుల్ నుంచి అవన్నీ మాయం
