సంక్షోభంతో కొట్టుమిట్టాడుతున్న ప్రముఖ కార్ల తయారీ సంస్థ రెనో ప్రపంచవ్యాప్తంగా 15,000 ఉద్యోగాల కోతకు సిద్ధమైంది. రానున్న మూడేళ్లలో 2 బిలియన్ యూరోల మేర ఖర్చులు తగ్గించుకోవడమే లక్ష్యంగా ఈ నిర్ణయం తీసుకున్నట్లు వెల్లడించింది ఫ్రాన్స్కు చెందిన ఈ సంస్థ. ఈ మేరకు శుక్రవారం అధికారికంగా ప్రకటించింది.
తాజా నిర్ణయంతో ఫ్రాన్స్లో అత్యధికంగా 4,600 మంది ఉద్యోగాలు కోల్పోనున్నారని రెనో ప్రకటించింది. ఫ్రాన్స్ మినహా ఇతర దేశాల్లో 10 వేలకు పైగా మందికిపైగా ఉద్యోగులను తగ్గించుకోనున్నట్లు వెల్లడించింది.
ఉద్యోగాల కోత తర్వాత 2019లో 4 మిలియన్ యూనిట్లుగా ఉన్న కంపెనీ ఉత్పాదక సామర్థ్యాన్ని..2024 నాటికి 3.3 మిలియన్లకు తగ్గించుకోనున్నట్లు రెనో ప్రకటించింది. ప్రపంచ వ్యాప్తంగా రెనోకు 1,80,000 మంది ఉద్యోగులున్నారు.
ఇదీ చూడండి:మొబిక్విక్పై గూగుల్ వేటు.. ప్లే స్టోర్ నుంచి తొలగింపు!
