Stock Market Close: ఉక్రెయిన్- రష్యా యుద్ధభయాలతో స్టాక్ మార్కెట్లు కుదేలవుతున్నాయి. దేశీయ సూచీలను వరుస నష్టాలు వెంటాడుతున్నాయి.
బొంబాయి స్టాక్ ఎక్స్చేంజి సూచీ సెన్సెక్స్ 383 పాయింట్లు కోల్పోయి 57 వేల 301 వద్ద స్థిరపడింది.
భారీ నష్టాలతో..
సెన్సెక్స్ దాదాపు 1200 పాయింట్లకుపైగా నష్టంతో ట్రేడింగ్ను ప్రారంభించింది. అనంతరం మరింత నష్టాల్లోకి వెళ్లి.. 56 వేల 395 వద్ద సెషన్ కనిష్ఠాన్ని తాకింది. మధ్యాహ్నం అనంతరం.. కాస్త కోలుకొని నష్టం 200 పాయింట్లకు దిగివచ్చింది. ఆఖర్లో మళ్లీ అమ్మకాలతో ఒడుదొడుకులకు లోనైంది.
జాతీయ స్టాక్ ఎక్స్చేంజి సూచీ నిఫ్టీ 114 పాయింట్లు కోల్పోయి.. 17 వేల 92 వద్ద సెషన్ను ముగించింది.
దాదాపు అన్ని రంగాలు తీవ్ర నష్టాలను చవిచూశాయి. రియాల్టీ ఇండెక్స్ 2 శాతానికిపైగా పడిపోయింది. బీఎస్ఈ మిడ్, స్మాల్ క్యాప్ కూడా భారీగా తగ్గాయి.
Russia Ukraine Crisis: ఉక్రెయిన్‌లోని రెండు ప్రాంతాలు డొనెట్స్క్‌, లుహాన్స్క్కు స్వతంత్రహోదా గుర్తింపునిస్తూ రష్యా నిర్ణయం తీసుకోవడం మరింత ఉద్రిక్తతలకు కారణమైంది. ఆయా ప్రాంతాలకు రష్యా బలగాలను కూడా పంపిస్తోంది. ఈ నేపథ్యంలో ప్రపంచ దేశాలు.. రష్యాపై ఆంక్షలకు సిద్ధమయ్యాయి.
రష్యా సహా ఐరోపా మార్కెట్లు దాదాపు అన్నీ భారీ నష్టాల్లో ఉన్నాయి.
లాభనష్టాల్లో ఇవే..
ఎం అండ్ ఎం, బజాజ్ ఫిన్సర్వ్, ఐషర్ మోటార్స్, ఓఎన్జీసీ, హిందాల్కో స్వల్పంగా లాభపడ్డాయి.
బీపీసీఎల్, టీసీఎస్, టాటా స్టీల్, టాటా మోటార్స్, ఎస్బీఐ నష్టపోయాయి.
ఇవీ చూడండి: ఉక్రెయిన్లోకి రష్యా సైన్యం ఎంట్రీ! ఇక కష్టమే!!
