ఎస్బీఐ కార్డు సరికొత్త ఫీచర్ను తీసుకువస్తున్నట్లు తెలిపింది. వినియోగదారుని సౌలభ్యం కోసం వీడియోతో కూడిన కేవైసీని ప్రారంభిస్తున్నట్లు ప్రకటించింది. ఈ ప్రక్రియ ఆన్లైన్ మోసాలను తగ్గించటమే కాకుండా కేవైసీకి అయ్యే ఖర్చును కూడా సగానికి చేస్తుందని సంస్థ తెలిపింది. ప్రస్తుతం ఉన్న భౌతిక దూరం నిబంధనల దృష్ట్యా ఇది వినియోగదారులకు ఉపకరిస్తుందని వెల్లడించింది.
ముఖ కవళికలు, డైనమిక్ వెరిఫికేషన్ కోడ్, లైవ్ ఫోటో స్కానింగ్, జియో ట్యాగింగ్, ఇతర పద్ధతుల ద్వారా వీకేవైసీ పని చేస్తుంది. కేవైసీ ప్రక్రియ కంటే ఈ విధానం చాలా సురక్షితంగా, సులభంగా ఉంటుందని ఎస్బీఐ కార్డు వెల్లడించింది.
"మాది టెక్నాలజీ ఆధారిత కంపెనీ. మా వినియోగదారులకు అందించే సేవలను మెరుగుపరచటానికి బ్యాక్ ఎండ్, ఫ్రంట్ ఎండ్ వద్ద అత్యాధునిక మౌలిక సదుపాయాలను రూపొందించటానికి భారీ స్థాయిలో పెట్టుబడులు పెట్టాము. వినియోగదారుని ప్రతి కదలికను డిజిటలైజ్ చేయటానికి, సులభతరం చేయటానికి ప్రయత్నిస్తున్నాం."
-హర్దియాల్ ప్రసాద్, ఎస్బీఐ కార్డు ఎండీ, సీఈఓ
ఇటీవల ఆర్బీఐ ఇచ్చిన మార్గదర్శకాలకు అనుగుణంగానే ఈ వీకేవైసీను ప్రారంభించినట్లు స్పష్టం చేశారు.
ఇదీ చూడండి:ఎదురులేని ఆల్టో- వరుసగా 16వ సారి నెంబర్-1
