సమస్యలు పరిష్కరించాలని ఆర్టీసీ కార్మికుల డిమాండ్​

కడపలో ఆర్టీసీ సమ్మెలో భాగంగా ఈ నెల 9న ఎండీకి నోటీసు ఇచ్చారు. ఆర్టీసీ కార్మికుల డిమాండ్లను పరిష్కరించకుంటే ఉద్యమం ఉద్ధృతం చేస్తామని ఐకాస నాయకులు కె.కె. కుమార్​ పేర్కొన్నారు. ఈ నెల 22న ఛలో ఆర్ఎం కార్యక్రమాన్ని నిర్వహిస్తున్నట్లు తెలిపారు.

సమస్యల పరిష్కారానికై ఆర్టీసీ కార్మికులు ఈ నెల 9న ఎండీకి సమ్మె నోటీసు ఇచ్చారు. సమ్మె నోటీసులో భాగంగా కడప డిపో వద్ద ఐకాస ఆధ్వర్యంలో ఆందోళన చేపట్టారు. యూనియన్​ జెండాలు పట్టుకొని ఆర్టీసీ యాజమాన్యానికి వ్యతిరేకంగా నినాదాలు చేశారు. ఆర్టీసీ యాజమాన్యం దిగివచ్చి కార్మిక సమస్యలు పరిష్కరించకుంటే ఈ నెల 24 తర్వాత ఏ క్షణమైనా సమ్మెలోకి వెళ్తామని ఆర్టీసీ ఐకాస నాయకులు కె.కె. కుమార్​ పేర్కొన్నారు. ఆర్టీసీ కార్మికులకు రావాల్సిన 40 శాతం బకాయిలను వెంటనే ఇవ్వాలని డిమాండ్​ చేశారు. అద్దె బస్సులను పెంచే ఆలోచనను విరమించుకోవాలన్నారు. వివిధ విభాగాల్లో జరుగుతున్న ప్రైవేటీకరణను ఆపాలని హెచ్చరించారు. అన్ని విభాగాల్లో కార్మికులపై జరుగుతున్న వేధింపు చర్యలు మానుకోవాలని డిమాండ్​ చేశారు. ఈ నెల 22న ఛలో ఆర్​ఎం కార్యక్రమాన్ని నిర్వహిస్తున్నట్లు పేర్కొన్నారు.