మాజీ మంత్రి కొణతాల రామకృష్ణ తెలుగుదేశం పార్టీకి బహిరంగ మద్దతు ప్రకటించారు. ప్రత్యేక హోదా, విభజన హామీలు సాధించే సత్తా తెదేపాకే ఉందని అన్నారు. రాష్ట్రంలో తెదేపా విజయానికి కృషి చేస్తానని, ఆ పార్టీ అభ్యర్థుల విజయం కోసం ప్రచారం చేస్తానని వెల్లడించారు. పార్టీ అధిష్ఠానం ఆదేశిస్తే రాష్ట్రమంతటా పర్యటించి వారి గెలుపునకు కృషి చేస్తానన్నారు.
ఉత్తరాంధ్ర చర్చా వేదక ఏర్పాటు చేసి.. ఆ ప్రాంత అభివృద్ధి, హామీల సాధనకు కొణతాల ఇన్నాళ్లూ శ్రమించారు. ఈ మధ్య ప్రత్యక్ష రాజకీయాల్లోకి వస్తారని.. తెదేపాలో చేరతారని అంతా అనుకున్నారు. తర్వాత వైకాపా గూటికి వెళ్తారన్న ప్రచారమూ జరిగింది. చివరికి ఆయన ఏ పార్టీలోకి వెళ్లకున్నా... బహిరంగ మద్దతును మాత్రం తెదేపాకే ప్రకటించడం.. ఉత్తరాంధ్ర రాజకీయాల్లో ప్రభావం చూపే అవకాశం ఉంది.
