మోదీ మాటలు కోటలు దాటతాయి..: చంద్రబాబు

ఇచ్ఛాపురం నియోజకవర్గం...రాష్ట్రానికి సరైన వాస్తుగా సీఎం చంద్రబాబునాయుడు అభివర్ణించారు. నాగావళి, వంశధార, బాహుదా నదుల అనుసంధానంతో శ్రీకాకుళం జిల్లాను సస్యశ్యామలం చేస్తామన్న బాబు...పనుల కోసం ఇతరప్రాంతాల వాళ్లు జిల్లాకు వలస వచ్చేలా అభివృద్ధి చేస్తామని తెలిపారు.

శ్రీకాకుళం జిల్లా ఇచ్ఛాపురం ఎన్నికల ప్రచార సభకు హాజరైన సీఎం చంద్రబాబు.. కుప్పం నుంచి ఇచ్ఛాపురం వరకు తెదేపా గెలుపు గాలి వీస్తుందన్నారు. 55 లక్షల మందికి ఎన్టీఆర్ భరోసా ఇస్తున్నామన్న సీఎం..పింఛను మొత్తం 3 వేల రూపాయలకు పెంచుతామని వెల్లడించారు. మహేంద్రతనయ పూర్తి చేశామని చెప్పిన బాబు.. జిల్లాలోని మిగిలిన ప్రాజెక్టులు పూర్తి చేస్తున్నామన్నారు.

ప్రతి శుక్రవారం కోర్టుకు వెళ్లే జగన్ కు, సినిమా నటులకు రాష్ట్రంపై అవగాహన లేదని విమర్శించిన సీఎం..మోదీ మాటలు కోటలు దాటతాయి.. చేతలు గడప కూడా దాటవని ఎద్దేవా చేశారు.

కిడ్నీ రోగులకు ఉచితంగా డయాలసిస్ చేయిస్తూ...3,500 రూపాయలు పింఛను ఇస్తున్నామని తెలిపారు చంద్రబాబు. సూపర్ స్పెషాలిటీ ఆస్పత్రి నిర్మించి కిడ్నీ రోగులను ఆదుకుంటామని పేర్కొన్నారు. చంద్రన్న బీమాను 5 లక్షల నుంచి10 లక్షల రూపాయలు చేస్తామని హామీ ఇచ్చిన బాబు..తిత్లీ తుపాను వస్తే కేంద్రం సాయం చేయలేదని విమర్శించారు. రాష్ట్రాభివృద్ధికి కట్టుబడి ఉన్న తెదేపానే మళ్లీగెలిపించాలని కోరారు.

ఇవీ చూడండి