గ్రామ వాలంటీర్లకు ఇంటర్వ్యూలు వద్దన్న రఘువీరా

వైకాపా ప్రభుత్వం నియమించనున్న గ్రామ వాలంటీర్ల పోస్టులు భర్తీని పారదర్శకంగా చేపట్టాలని పీసీసీ అధ్యక్షుడు రఘువీరారెడ్డి కోరారు. నిరుద్యోగుల మెరిట్ ఆధారంగా పోస్టులు కేటాయించాలన్నారు. ఈ అంశంపై గవర్నర్​కు లేఖ రాస్తామన్నారు.

గ్రామ వాలంటీర్ల పోస్టులను ప్రతిభ ఆధారంగా, పారదర్శకంగా భర్తీ చేయాలని పీసీసీ అధ్యక్షుడు రఘువీరారెడ్డి డిమాండ్ చేశారు. అనంతపురం జిల్లా నీలకంఠాపురంలో మాట్లాడిన ఆయన.. గ్రామ వాలంటీర్లను మెరిట్ ప్రాతిపదికన ఎంపిక చేయ్యాలని కోరుతూ రాష్ట్ర గవర్నర్ నరసింహన్​కు లేఖ రాస్తున్నట్లు తెలిపారు. ఇంటర్వ్యూ లేకుండా ప్రతిభ ఆధారంగా ఎంపిక చేయాలన్నారు. ఈ పోస్టులకు ఎంపికైన వారు స్థానికంగా ఉంటూ ప్రజలకు అందుబాటులో ఉండాలన్నారు. ఎంపికలు నిబంధనలకు విరుద్ధంగా సాగితే రాష్ట్రవ్యాప్తంగా కాంగ్రెస్ పార్టీ తరఫున ఆందోళనలు చేపడతామన్నారు.

ఇదీ చదవండి : ఆనాటి చారిత్రక గుర్తులు.. ఈనాటికీ సురక్షితంగా!