Vigilance investigation on Green Grace Apartments : గుంటూరులో నిర్మాణంలో ఉన్న వైఎస్సార్సీపీ నేత అంబటి మురళీకృష్ణకు చెందిన గ్రీన్గ్రేస్ అపార్ట్‌మెంట్‌ను విజిలెన్స్ అధికారులు పరిశీలించారు. నిబంధనలకు విరుద్ధంగా ఎలాంటి అనుమతులు లేకుండా బహుళ అంతస్థులు నిర్మిస్తున్నారన్న ఫిర్యాదుల మేరకు విజిలెన్స్ విచారణ చేపట్టింది. ప్రభుత్వ ఆదేశాలతో అధికారులు అపార్ట్‌మెంట్‌ నిర్మాణాలను పరిశీలించారు. నిర్మాణ అనుమతులు, ప్లాన్లు, ఎన్వోసీల వివరాలను అడిగి తీసుకున్నారు. వీటన్నింటినీ పరిశీలించిన తర్వాత నిబంధనల మేరకు నిర్మాణాలు చేపట్టకుంటే చర్యలు తీసుకునే అవకాశం ఉంది.
రాష్ట్ర ప్రభుత్వానికి గుంటూరు నగరపాలక సంస్థ లేఖ : గుంటూరులో గ్రీన్గ్రేస్ అపార్టుమెంట్కు పూర్తిస్థాయి అనుమతులు లేకుండా నిర్మించినా పట్టించుకోని అధికారులపై చర్యలు తీసుకోవాలని రాష్ట్ర ప్రభుత్వానికి గుంటూరు నగరపాలక సంస్థ లేఖ రాసింది. 5 అంతస్థులకు అనుమతి తీసుకుని 14 అంతస్తులు నిర్మిస్తున్నా పట్టించుకోలేదని అప్పటి అధికారులు, టౌన్ ప్లానింగ్ సిబ్బందితో పాటు ఉన్నతాధికారులపైనా క్రమశిక్షణా చర్యలు తీసుకోవాలని నగరపాలక సంస్థ లేఖ రాయటం చర్చకు దారితీసింది. క్రమశిక్షణ చర్యలు తీసుకోవాల్సిన జాబితాలో ఐఏఎస్‌ అధికారి కన్నబాబుతో పాటు, పురపాలకశాఖ అదనపు సంచాలకులు అనురాధ ఉన్నారు.
అంబటి మురళి అపార్టుమెంట్లో అక్రమాలు - అధికారుల తనిఖీలు - Ambati Murali Apartment
అనుమతులు లేకుండా అపార్టుమెంట్ నిర్మిస్తున్నా నగరపాలక అధికారులు పట్టించుకోలేదని పొన్నూరు ఎమ్మెల్యే ధూళిపాళ్ల నరేంద్ర ఆరోపించారు. దీంతో బాధ్యులను గుర్తించాలని ప్రభుత్వం నుంచి ఆదేశాలు రావడంతో నగరపాలక సంస్థ అధికారులు స్పందించారు. అప్పట్లో ఎవరెవరు పని చేశారు? వారిలో ఎవరైనా ఉద్యోగ విరమణ చేశారా? ప్రస్తుతం ఎవరు ఎక్కడ పని చేస్తున్నారో వారి వివరాలతో సహా సేకరించి ప్రభుత్వానికి తగు చర్యలు తీసుకోవాలని సిఫార్సు చేశారు.
రైల్వేశాఖ ఇచ్చిన ఎన్వోసీకి మించి నిర్మాణం చేస్తుండటంతో నిరభ్యంతర పత్రాన్ని రద్దు చేశామని పంపిన లేఖకు నగరపాలక అధికారులు స్పందించలేదు. పైగా ఆ లేఖను పట్టణ ప్రణాళిక విభాగం అధికారులు దాచి పెట్టారు. ఇదంతా తప్పిదం కిందకే వస్తుందని నిర్ధారించుకున్నాకే బాధ్యులపై చర్యలు కోరుతూ ప్రభుత్వానికి లేఖ రాశామని నగరపాలక వర్గాలు పేర్కొన్నాయి. అపార్టుమెంట్కు అనుమతులు ఇచ్చిన సమయంలో కన్నబాబు, అనురాధ గతంలో ఇక్కడ మున్సిపల్ కమిషనర్లుగా పని చేశారు. వారి పర్యవేక్షణ లోపం ఉందని గుర్తించి క్రమశిక్షణ చర్యలకు సిఫార్సు చేస్తూ లేఖ రాశారు. అలాగే పట్టణ ప్రణాళిక విభాగానికి చెందిన 16 మంది అధికారులు, ఉద్యోగులపై చర్యలు చేపట్టాలని ఆ లేఖలో పేర్కొన్నారు.
అంబటి మురళీ నీకిది తగునా! చెప్పులకు కాపలాగా అనుచరుడు - One guard for YCP leader Footwear
టీపీబీవో సువర్ణకుమార్, డీసీపీలు విశ్వప్రసాద్, బి.సత్యనారాయణ, మహాపాత్ర, ఏసీపీలు రవీంద్రారెడ్డి, బాబూరావు, మురళి, ఇంఛార్జి సిపి కె.హిమబిందు, టీపీఎస్ లు సీహెచ్ భవానీ, హృదయరాజు, షేక్ రిజ్వానా, ప్లానింగ్ సెక్రటరీలు కె.అనిల్ కుమార్, చదలవాడ జగన్మోహన్, సీపీ ప్రదీప్ కుమార్, సూపరింటెండెంట్ పోలేశ్వరరావు, గుమస్తా నారాయణమూర్తి వీరిలో ఉన్నారు.
