Washing Machine Blast: మహారాష్ట్రలోని పుణెలో ఆదివారం సాయంత్రం ఓ అపార్ట్మెంట్లో వాషింగ్ మెషీన్ పేలిపోయింది. ఒక్కసారిగా భారీ శబ్దం రావడం వల్ల చుట్టుపక్క ఇళ్లల్లో ఉన్నవారు భయపడిపోయి పరుగులు తీశారు. సమాచారం అందుకున్న పోలీసులు.. ఓ వ్యక్తిని అదుపులోకి తీసుకున్నారు. అసలేం జరిగిందంటే?
పుణెలోని భవానీపేట్ ప్రాంతంలో బి-వింగ్ అపార్ట్మెంట్లో ఓ వ్యక్తి తన కుటుంబంతో గత పదేళ్లుగా నివసిస్తున్నాడు. వీకెండ్ అని చెప్పి బట్టలు.. వాషింగ్ మెషీన్లో వేద్దామనుకుని సిద్ధమయ్యాడు. కానీ వాషింగ్ మెషీన్ ఆన్ కాలేదు. దీంతో వెంటనే తెలిసిన ఓ మెకానిక్ను పిలిపించాడు. అతడు వచ్చి పరిశీలించాడు. ఏదో సమస్య ఉందని చెప్పి రిపేరు చేయడం ప్రారంభించాడు మెకానిక్. దీంతో ఒక్కసారిగా భారీ శబ్దంతో పేలుడు సంభవించింది. వెంటనే ఇంట్లో వాళ్లు, మెకానిక్ హడలెత్తిపోయి పరుగులు తీశారు. వెంటనే పోలీసులకు సమాచారం అందించారు.
పుణె పోలీసులు.. బాంబ్ స్క్వాడ్ను రంగంలోకి దింపారు. పేలుడు సంభవించిన అపార్ట్మెంట్ను క్షుణ్నంగా పరిశీలించారు. అయితే ఈ ఘటనలో ఎటువంటి ప్రాణనష్టం జరగలేదని, దర్యాప్తు చేపడతున్నామని పోలీసులు తెలిపారు. అపార్ట్మెంట్లోని ఓ వ్యక్తిని విచారణ కోసం పోలీసులు స్టేషన్కు తీసుకెళ్లారు.
ఇవీ జరిగింది: ప్రియుడి కోసం భర్త హత్యకు భార్య సుపారీ.. వారి పేరు చెప్పి డ్రామా.. చివరకు..
ఈడీ కార్యాలయానికి చేరుకున్న రాహుల్.. నేతలు, కార్యకర్తలతో భారీ ర్యాలీ..
