మధ్యప్రదేశ్ ఉజ్జయిన్లో దారుణం జరిగింది. ఆ ప్రాంతానికి 14 కిలోమీటర్ల దూరంలో ఉన్న నాయి ఖేదీ రైల్వేస్టేషన్ దగ్గర్లోని రైల్వే ట్రాక్పై ఓ తండ్రి, ముగ్గురు చిన్నారుల మృతదేహాలు లభ్యమయ్యాయి. విషయం తెలుసుకున్న పోలీసులు వెంటనే అక్కడికి చేరుకుని కేసు నమోదు చేసి దర్యాప్తు ప్రారంభించారు. మృతదేహాలను పోస్టుమార్టం కోసం జిల్లా ఆస్పత్రికి తరలించారు. ట్రాక్పై సూసైడ్ నోట్ దొరకటంతో ఇది ఆత్మహత్యగా అధికారులు నిర్ధరించారు.
అసలేం జరిగింది: మృతుడిని గోయ్లా బుజుర్గ్ గ్రామానికి చెందిన రవి పంచాల్గా పోలీసులు గుర్తించారు. కుటుంబ కలహాల వల్లే అతడు తన ముగ్గురు కూతుర్లు అనామిక, ఆరాధ్య, అనుష్కతో కలిసి బైక్పై నాయి ఖేదీ రైల్వే స్టేషన్కు చేరుకుని.. గూడ్స్ ట్రైన్ కిందకు దూకి ఆత్మహత్య చేసుకున్నాడని వెల్లడించారు. 'ట్రాక్పై వారిని గమనించినప్పటికీ ఎమర్జెన్సీ బ్రేక్ వేయలేకపోయాను. బ్రేక్ పడుంటే ఇలాంటి దారుణం జరిగేది కాదు' అని ఆవేదన వ్యక్తం చేశారు గూడ్స్లోని లోకో పైలట్. అయితే.. ఓ మహిళ వేధింపుల కారణంగానే రవి సూసైడ్ చేసుకున్నాడని అతని కుటుంబ సభ్యులు ఆరోపిస్తున్నారు.
ఇదీ చదవండి: ఆరు నెలల కుమారుడితో రైలుకు అడ్డంగా వ్యక్తి, ఆ పని చేస్తేనే కదులుతానంటూ
