పెళ్లిళ్లకు భారీ డిమాండ్.. ఎగబడ్డ జంటలు

ముందు తమకంటే.. తమకు ముందు వివాహం జరిపించాలని రెండు కుటుంబాలు ఘర్షణకు దిగాయి. పెళ్లిళ్లకు డిమాండ్​తో.. ఆలయానికి జంటలు భారీగా తరలివచ్చాయి. దీంతో ఆలయంలో ఉద్రిక్త వాతావరణం నెలకొంది.

వరలక్ష్మీ వ్రతం (ఆగస్టు 20).. సందర్భంగా తమిళనాడు చెన్నైలోని కుంద్రాతుర్ మురుగన్​ ఆలయంలో వివాహం చేసుకునేందుకు పెద్ద ఎత్తున వధూవరులు, బంధువులు వచ్చారు. కొవిడ్ నిబంధనలు పాటించకుండా.. దాదాపు 30 పెళ్లి జంటలు ఆలయంలోకి ప్రవేశించాయి. ముందు తమకంటే.. తమకు వివాహం జరిపించాలన్నారు. దీంతో ఆలయంలో ఉద్రిక్త వాతావరణం నెలకొంది.

ఓ రెండు కుటుంబాలు ఆలయంలోనే ఘర్షణకు దిగాయి. వెంటనే ఓ పోలీస్ అధికారి.. ఆలయంలోకి ప్రవేశించటంతో గొడవ సద్దుమణిగింది. ఈ దృశ్యాలు సామాజిక మాధ్యమాల్లో వైరల్​ అయ్యాయి.

ఇదీ చదవండి: Onam 2021: ఘనంగా ఓనమ్​.. ప్రధాని, రాష్ట్రపతి శుభాకాంక్షలు