భారత చిత్రపటాన్ని తప్పుగా చూపించి తీవ్ర విమర్శలను ఎదుర్కొన్న ట్విట్టర్.. ఆ మ్యాప్ను తొలగించింది. ట్వీప్ లైఫ్ సెక్షన్లో ట్విట్టర్.. సోమవారం సాయంత్రం జమ్ముకశ్మీర్, లద్దాఖ్లను ప్రత్యేక దేశంగా పేర్కొంటూ మ్యాప్ను పోస్ట్ చేసింది. దీనిపై పెద్ద ఎత్తున విమర్శలు వ్యక్తం అయ్యాయి. ట్విట్టర్ బ్యాన్ పేరుతో నెటిజన్లు ఈ చర్యపై మండిపడ్డారు. ఈ నేపథ్యంలో ఆ మ్యాప్ను సోమవారం రాత్రి తొలగించింది. ఈ చర్యలపై ట్విట్టర్ ఇప్పటివరకు స్పందించకపోవడం గమనార్హం.
ట్విట్టర్ వైఖరిని ప్రభుత్వం తీవ్రంగా పరిగణిస్తోంది. ఈ మ్యాప్ ట్విట్టర్ అధికారిక వెబ్సైట్లోనే ఉంటడం వల్ల దీనికి ఆ సంస్థే పూర్తి బాధ్యత వహించాల్సి ఉంటుంది.
భారత్ మ్యాప్ను తప్పుగా చూపటం ట్విట్టర్కు ఇది తొలిసారి కాదు. గతేడాది కూడా లేహ్ ప్రాంతాన్ని చైనా మ్యాప్లో చూపించి విమర్శలను మూటగట్టుకుంది. ఆ సమయంలో ట్విట్టర్కు ప్రభుత్వం తీవ్ర హెచ్చరికలు జారీ చేసింది. దేశ సార్వభౌమత్వానికి భంగం కలిగించేలా ప్రవర్తిస్తే చర్యలు తప్పవని హెచ్చరించింది.
ట్విట్టర్ ఎండీపై కేసు..
ట్విట్టర్ వైఖరిపై చర్యలు చేపట్టాలంటూ ఉత్తర్ప్రదేశ్ బులంద్షహర్ జిల్లాలోని ఖుర్జానగర్ పోలీస్ స్టేషన్ పరిధిలో కేసు నమోదైంది. భజరంగ్‌ దళ్‌ నేత ప్రవీణ్ భాటి ఫిర్యాదు మేరకు పోలీసులు కేసు నమోదు చేశారు. ట్విట్టర్ ఇండియా ఎండీ మనీశ్ మహేశ్వరీ సహా న్యూస్ పార్టనర్షిప్స్ హెడ్ అమ్రితా త్రిపాఠిపై చర్యలు తీసుకోవాలని ఫిర్యాదులో పేర్కొన్నారు.
ఇదీ చదవండి : ట్విట్టర్ వరుస వివాదాలు- పొరపాట్లా? కవ్వింపులా?
