గుజరాత్లో మైనర్పై అత్యాచారం జరిగిన ఘటన ఆలస్యంగా వెలుగులోకి వచ్చింది. గాంధీనగర్లో జరిగిన జాతీయ టోర్నమెంట్లో పాల్గొనడానికి వెళ్లిన 17 ఏళ్ల యువతిని ఓ యువకుడు ప్రేమ పేరుతో నమ్మించి.. గర్భవతిని చేశాడు. దీనిపై బాధితురాలి తల్లి పోలీసులకు ఫిర్యాదు చేసింది. కేసు నమోదు చేసుకున్న పోలీసులు.. నిందితుడు కోసం గాలిస్తున్నట్లు తెలిపారు.
పోలీసులు తెలిపిన వివరాల ప్రకారం..
సూరత్కు చెందిన ఓ 17 ఏళ్ల బాలిక చదువుతో పాటుగా.. ఆటల్లోనూ ముందుండేది. ప్రస్తుతం ఆమె జునాగఢ్లోని ఓ హాస్టల్లో ఉండి చదువుకుంటోంది. ఈమె సాఫ్ట్బాల్ గేమ్లో రాణించేది. దీంతో గతేడాది సెప్టెంబర్లో గాంధీనగర్లో జరిగిన జాతీయ స్థాయి టోర్నీకి ఎంపికైంది. ఆ టోర్నీలో పాల్గొనేందుకు ఆమె గాంధీనగర్కు చేరుకుంది. అక్కడే ఆమెకు.. ఓ యువకుడితో పరిచయమైంది. అది కాస్త ప్రేమగా మారింది. అదే సమయంలో వారిద్దరి మధ్య శారీరక సంబంధం కూడా ఏర్పడింది. ఆ తర్వాత వీరిద్దరూ సోషల్ మీడియాలో చాటింగ్ చేసుకున్నారు.
అయితే అక్కడ నుంచి ఇంటికి చేరుకున్న బాలికకు అకస్మాత్తుగా ఆరోగ్యం క్షీణించింది. దీంతో ఆమె తల్లి బాలికను ఆస్పత్రికి తీసుకెళ్లింది. బాలికకు వైద్యపరీక్షలు చేసిన వైద్యులు.. ఐదు నెలల గర్భవతి అని చెప్పడం వల్ల బాధితురాలి తల్లిదండ్రులు షాక్కు గురయ్యారు. కూతురిని ప్రశ్నించగా అసలు విషయం బయటపెట్టింది. అయితే ఆ యువకుడికి సంబంధించిన మొబైల్ నంబర్తో సహా.. ఏ విషయాలు ఆమెకు తెలియదని చెప్పింది. దీంతో బాలిక తల్లి పోలీసులకు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు.
హాస్టల్పై నుంచి దూకి ఐఐటీ స్టూడెంట్ మృతి..
ఐఐటీ బాంబేలో ఓ విద్యార్థి హాస్టల్ భవనంపై నుంచి దూకి చనిపోయాడు. అహ్మదాబాద్కు చెందిన ఓ 18 ఏళ్ల యువకుడు ఐఐటీ బాంబేలో బీటెక్ మొదటి సంవత్సరం చదువుతున్నాడు. ఆదివారం ఆ విద్యార్థి హాస్టల్ క్యాంపస్లోని ఏడో అంతస్తు నుంచి దూకి ఆత్మహత్య చేసుకున్నాడు. క్యాంపస్లోని సెక్యూరిటీ గార్డులు రక్తపు మడుగులో పడి ఉన్న యువకుడిని గుర్తించి పోలీసులకు ఫిర్యాదు చేశారు. ప్రాథమిక విచారణలో భాగంగా.. ప్రమాదవశాత్తు జారిపడినట్లు భావిస్తున్నారు.
