మధ్యప్రదేశ్ సత్నా జిల్లాలో ఘోర రోడ్డు ప్రమాదం జరిగింది. ట్రక్కు, కారు ఢీకొన్న ఘటనలో ఏడుగురు మృతి చెందారు. మరో ఐదుగురు తీవ్రంగా గాయపడ్డారు. ఘటన స్థలానికి చేరుకున్న పోలీసులు.. క్షతగాత్రులను స్థానిక ఆసుపత్రికి తరలించారు.
ఉత్తర్ ప్రదేశ్లో కారు బోల్తా..
ఉత్తర్ప్రదేశ్ బాగ్పాత్ జిల్లాలో ఆదివారం రాత్రి ఓ కారు అదుపుతప్పి డివైడర్ను ఢీ కొట్టింది. ఈ ఘటనలో నలుగురు మృతి చెందారు. మృతులను ధర్మేంద్ర, కపిల్, నరేశ్ ప్రమోద్లుగా గుర్తించారు అధికారులు. వీరిలో కపిల్, ధర్మేంద్ర సోదరులని తెలిపారు.
వివాహ వేడుకకు హాజరై తిరుగు వెళ్తుండగా ఈ ప్రమాదం జరిగింది. క్షతగాత్రులను ఆసుపత్రికి తరలించగా... అప్పటికే నలుగురూ మరణించారు. డ్రైవర్ ఆరోగ్య పరిస్థితి నిలకడగా ఉన్నట్లు అధికారులు వెల్లడించారు.
ఇదీ చూడండి: దేశంలో మరో 45,903 మందికి కరోనా
