తమిళనాడు కల్లకురిచి జిల్లా ఉల్లుంతుపట్టాయ్లో.. ట్రాన్స్ఉమన్ రియా (25), మనో(29) వివాహం ఈ నెల 27న జరిగింది. వీరి వివాహానికి ట్రాన్స్జెండర్లు తరలివెళ్లారు. నిజమైన ప్రేమకు చిహ్నంగా నిలిచారంటూ నవవధువులను ఆశీర్వదించారు.
రియా-మనో ఇద్దరు చెన్నైలో ఉద్యోగం చేస్తున్నారు. వీరి మధ్య ప్రేమ చిగురించగా.. వారి తల్లిదండ్రులు ఈ పెళ్లికి అంగీకరించలేదు. ప్రేమను గెలిపించుకునేందుకు, బుధవారం ఉదయం హిందు సంప్రదాయం ప్రకారం వివాహం చేసుకున్నారు.
అయితే ఈ తరహా వివాహం ఇది తొలిసారి కాదు. గతంలో కోయంబత్తూర్, తుత్తుకూడి జిల్లాల్లోనూ ఇలాంటి ఘటనలు వెలుగులోకి వచ్చాయి. కోయంబత్తూర్లో జరిగిన వివాహాన్ని రిజిస్టర్ చేయమని అధికారులు తేల్చిచెప్పడం వివాదానికి దారితీసింది. అధికారుల తీరుపై అసహనం వ్యక్తం చేసిన మద్రాసు హైకోర్టు మధురై బెంచ్.. వారి వివాహాన్ని రిజిస్టర్ చేయమని ఆదేశించింది.
ఇదీ చూడండి:- ప్రయాణంలోనే మహిళ ప్రసవం- వెనక్కి తిరిగొచ్చిన రైలు
