pm Modi address nation:ప్రధానమంత్రి నరేంద్ర మోదీ ఏప్రిల్ 21వ తేదీన సిక్కుల మతగురువు తేగ్ బహదూర్ 400 జయంతి సందర్భంగా జాతినుద్దేశించి ప్రసగించనున్నారని కేంద్ర సాంస్కృతిక శాఖ వెల్లడించింది. ఆయన స్మారకంగా ఆ రోజే పోస్టల్ స్టాంపు, నాణేన్ని విడుదల చేయనున్నట్లు తెలిపింది.
సాధారణంగా స్వాతంత్ర దినోత్సవం సందర్భంగా ఆగస్టు 15న మాత్రమే ఎర్రకోట నుంచి ప్రధాన మంత్రి ప్రసంగిస్తారు. నరేంద్ర మోదీ గురువారం అదే తరహాలో ప్రసంగించనుండడం విశేషం. ఈ కార్యక్రమానికి వేర్వేరు రాష్ట్రాల ముఖ్యమంత్రులు, దేశవిదేశాలకు చెందిన ప్రముఖులు హాజరుకానున్నారు.
నాలుగు వందల మంది సిక్కు సంగీతకారులు 'షాబాద్ కీర్తన' చేస్తారని తెలిపింది కేంద్ర సాంస్కృతిక శాఖ. దిల్లీ గురుద్వారా మేనేజమెంట్ సహకారంతో కేంద్రం ఈ కార్యక్రమాన్ని నిర్వహించనుంది. ఆజాదీ కా అమృత్ మహోత్సవ్‌లో భాగంగా సిక్కుల మతగురువు తేగ్ బహదూర్ 400 జయంతి సందర్భంగా ఈ కార్యక్రమాన్ని నిర్వహిస్తున్నారు.
ఇదీ చదవండి: 'త్వరలో భాజపాయేతర సీఎంల భేటీ!'
