భారీ ఉగ్రకుట్ర భగ్నం- ఆరుగురు అరెస్ట్

పాకిస్థాన్​లో శిక్షణ పొందిన ఇద్దరు ఉగ్రవాదులు సహా ఆరుగురిని దిల్లీ పోలీసులు అరెస్ట్​ చేశారు. పండుగ సీజన్​లో భారీ పేలుళ్లకు పాల్పడి దేశంలో అలజడులు సృష్టించేందుకు వీరు ప్రణాళికలు రచించినట్టు పోలీసులు వెల్లడించారు. వీరి వెనక దావూద్​ ఇబ్రహీం సోదరుడు అనీశ్​ ఇబ్రహీం ఉన్నట్టు పేర్కొన్నారు.

దేశంలో భారీ ఉగ్ర దాడికి పన్నిన కుట్రను దిల్లీ పోలీసులు భగ్నం చేశారు. పాకిస్థాన్​లో శిక్షణ పొందిన ఇద్దరు తీవ్రవాదులు సహా ఆరుగురిని అరెస్ట్​ చేశారు.

నిందితుల నుంచి భారీ మొత్తంలో పేలుడు పదార్థాలు, ఆయుధాలను స్వాధీనం చేసుకున్నారు పోలీసులు. పండుల సీజన్​లో రద్దీ ప్రాంతాల్లో దాడుల కోసం పేలుడు పదార్థాలను, హత్యల కోసం ఆయుధాలను ఉగ్రవాదులు సిద్ధం చేసుకున్నట్టు తెలిపారు.

"కోటాలో సమీర్ అనే వ్యక్తిని అరెస్ట్​ చేశాము. దిల్లీలో ఇద్దరిని, ఉత్తర్​ప్రదేశ్​లో ముగ్గురిని అదుపులోకి తీసుకున్నాము. ఈ ఆరుగురు భారతీయులే. వీరిలో ఇద్దరు పాకిస్థాన్​కి వెళ్లి ఆయుధాల వాడకంలో 15రోజుల పాటు శిక్షణ తీసుకున్నారు. విచారణలో భాగంగా.. 15మంది బంగ్లా భాష మాట్లాడే వారు తమ బృందంలో ఉన్నట్టు వీరు వెల్లడించారు. వీరిని కూడా శిక్షణ కోసం తీసుకెళ్లినట్టు అనుమానిస్తున్నాము. సరిహద్దు బయట నుంచి ఆపరేషన్​ను నడిపిస్తున్నట్టు అనిపిస్తోంది."

-- నీరజ్​ ఠాకూర్​, దిల్లీ పోలీస్​ స్పెషల్​ సెల్​.

దావూద్​ సోదరుడి హస్తం?

ఈ ముఠా వెనుక దావూద్​ ఇబ్రహీం సోదరుడు అనీశ్​ ఇబ్రహీమ్​ ఉన్నట్టు పోలీసులు వెల్లడించారు. ముఠాను రెండు బృందాలుగా విభజించి, కార్యకలాపాలు సాగించినట్టు తెలిపారు. ఓ బృందం.. సరిహద్దు నుంచి ఆయుధాలు అక్రమంగా తరలించి దేశంలో భద్రపరిస్తే, మరో బృందం హవాలాతో నిధులు పోగు చేసేదని పేర్కొన్నారు.

పోలీసులు అరెస్ట్​ చేసిన ముఠా సభ్యులు

పోలీసులు అరెస్టు చేసిన ముఠా సభ్యులు

ఇదీ చూడండి:- కుట్రల కొలిమిలో కశ్మీరం.. పెరుగుతున్న చొరబాట్లు!