మత్తుమందు ఇవ్వకుండా ఓ మహిళకు కిడ్నీ రాళ్లు తొలగించే ఆపరేషన్ చేశారు వైద్యులు. ఈ ఘటన కర్ణాటక రాజధాని బెంగళూరులో జరిగింది. ఆపరేషన్ చేయించుకున్న మహిళకు చిన్నప్పటి నుంచే గుండె జబ్బు ఉండటం వల్ల ఇలా చేయాల్సి వచ్చింది.
ఇదీ జరిగింది.. అసోంకు చెందిన ఓ మహిళ కడుపు నొప్పి కారణంగా బెంగళూరు జయానగర్లోని ఓ ఆస్పత్రిలో చేరింది. వైద్య పరీక్షలు నిర్వహించిన తర్వాత.. ఆమె కడుపు నొప్పికి కారణం కిడ్నీలో రాళ్లు అని తెలిసింది. అయితే ఆమెకు చిన్నప్పటి నుంచి గుండె జబ్బు ఉంది. దీంతో ఆమెకు మత్తుమందు ఇవ్వడం కుదరదని వైద్యులు తెలిపారు. కానీ ఆపరేషన్ కచ్చితంగా చేయాల్సిన అవసరం ఉంది. దీంతో పేషెంట్ పరిస్థితిని పూర్తిగా అధ్యయనం చేసిన వైద్యులు, మత్తుమందు ఇవ్వకుండా ఆపరేషన్ చేయడానికి నిర్ణయించారు.
ఎంతో క్లిష్టమైన ఈ ఆపరేషన్ను జాగ్రత్తగా 'ఐవీ సెడేషన్(IV sedation)' పద్ధతిలో, నిద్ర మాత్రలు ఇస్తూ, గుండె పరిస్థితిని ప్రతి క్షణం గమనిస్తూ పూర్తి చేశారు వైద్యులు. ఎక్స్ట్రాకోర్పోరియల్ షాక్ వేవ్ లిథోట్రిప్సీ(Extracorporeal Shock Wave Lithotripsy (ESWL)) పద్ధతి ద్వారా 2.5 సెంటీ మీటర్ల రాయిని విజయవంతంగా తొలగించారు. ఆపరేషన్ జరుగుతున్నంత సేపు పేషెంట్ గుండె పరిస్థితి నిలకడలా ఉండేటట్లు చూశారు. అయితే అపరేషన్లో ఏదైనా కాంప్లికేషన్స్ వస్తే పేషెంట్కు చికిత్స అందించడానికి ఆస్పత్రిని సిద్ధం చేసినట్లు వైద్యులు తెలిపారు. ఎవరూ చేయలేని ఆపరేషన్ను తాము చేశామని ఆస్పత్రి ఎమ్డీ విక్రమ్ సిద్ధారెడ్డి తెలిపారు. తాము అన్ని రకాల ఆపరేషన్లు చేయగలమని అన్నారు.
ఇవీ చదవండి : వయసు 55.. కంటి చూపు లోపం.. చేసేది కూలీపని.. అయినా గ్రూప్-2లో టాప్!
మతం మారలేదని యువకుడికి చిత్రహింసలు.. పెట్రోల్ పోసుకుని ప్రేయసిని హత్తుకున్న ప్రియుడు
