Odisha Train Accident : ఒడిశాలో మాటలకందని మహా విషాదంలో మృతుల సంఖ్య అంతకంతకూ పెరుగుతోంది. శుక్రవారం రాత్రి జరిగిన ఈ ఘోర రైలు ప్రమాదంతో దేశం ఒక్కసారిగా... ఉలిక్కిపడింది. ఈ ప్రమాదంలో ఇప్పటివరకూ 280 మందికిపైగా ప్రాణాలు కోల్పోగా.. వెయ్యి మందికిపైగా గాయపడ్డారు. చాలామంది క్షతగాత్రుల పరిస్థితి విషమంగా ఉండడం వల్ల మరణాల సంఖ్య ఇంకా పెరిగే అవకాశం ఉందని అధికారులు తెలిపారు. శుక్రవారం రాత్రి రైలు ప్రమాదం జరిగిన సమయంలో ఏ క్షణం ఏం జరిగిందనేది అధికారులు ఆరా తీశారు. వాటి వివరాలు ఇలా ఉన్నాయి.
Odisha Train Accident Time : శుక్రవారం రాత్రి.. ఎప్పుడేం జరిగింది?
- 6.50 PM: లూప్‌ లైన్‌లో నిలిపి ఉంచిన గూడ్స్‌ రైలును కోరమాండల్ ఎక్స్‌ప్రెస్‌ బలంగా ఢీకొట్టడం వల్ల అందులోని ప్రయాణికులకు భారీ శబ్ధం వినిపించింది. రైలు బోగీలు పట్టాలు తప్పి చెల్లాచెదురుగా పడిపోయాయి.
- 6.55 PM: పట్టాలు తప్పిన కోరమాండల్ ఎక్స్‌ప్రెస్‌ బోగీలు పక్క ట్రాక్‌పై పడ్డాయి. దీంతో అటువైపుగా వస్తున్న బెంగళూరు-హవ్‌డా సూపర్‌ఫాస్ట్‌ ఎక్స్‌ప్రెస్‌ చివరి బోగీలను ఢీకొట్టింది.
- 7.10 PM: ప్రమాదంపై విషయం తెలుసుకున్న స్థానికులు ఘటనాస్థలికి చేరుకున్నారు. వెంటనే సహాయక చర్యలు ప్రారంభించారు.7.30 PM: స్థానిక అధికారులు, పోలీసులు, అత్యవసర సహాయ సిబ్బంది ప్రమాదం జరిగిన ప్రదేశానికి చేరుకున్నారు.
- 8.00-9:00 PM: ఆ తర్వాత బీఆర్‌ సింగ్ ఆస్పత్రి నుంచి పెద్ద సంఖ్యలో వైద్యులు, నర్సులు, పారామెడికల్‌ సిబ్బంది, ఆర్థోపెడిక్‌, ఈస్ట్రన్‌ రైల్వే ఆస్పత్రి సిబ్బంది ఘటనాస్థలికి చేరుకొని సహాయక చర్యలు ముమ్మరం చేశారు.
- 9.30 PM: స్వల్పంగా గాయపడిన వారిని సమీపంలో ఉన్న ఆస్పత్రులకు తరలించేందుకు డివిజనల్‌ మేనేజర్‌ బస్సులను ఏర్పాటు చేశారు.
- 9.59 PM : ముంబయి-గోవా వందేభారత్‌ రైలు ప్రారంభోత్సవాన్ని రద్దు చేస్తున్నట్లు రైల్వేశాఖ ప్రకటించింది.
Odisha Train Tragedy: అయితే శనివారం ఉదయం రైల్వేశాఖ మంత్రి అశ్వినీ వైష్ణవ్‌ ఘటనాస్థలానికి చేరుకున్నారు. ఈ దుర్ఘటనపై దర్యాప్తు చేసేందుకు అత్యున్నత స్థాయి కమిటీని వేస్తున్నట్లు తెలిపారు. ఒడిశా సీఎం నవీన్‌ పట్నాయక్‌ కూడా ఘటనాస్థలికి వెళ్లారు. ఆ తర్వాత పలువురు కేంద్ర మంత్రులు ఘటనాస్థలికి వెళ్లి పరిస్థితులు గమనించారు. సాయంత్రం ప్రధాని మోదీ రైలు ప్రమాదస్థలాన్ని పరిశీలించి.. కటక్‌ ఆస్పత్రిలో చికిత్స పొందుతున్న బాధితులను పరామర్శించారు. ఘటనకు కారకులన వారిపై కఠిన చర్యలు తీసుకుంటామని చెప్పారు.
-
ओडिशा ट्रेन हादसा: यातायात बहाल करने का कार्य प्रगति पर है। pic.twitter.com/cvlbn5nhzA
— Ministry of Railways (@RailMinIndia) June 3, 2023 " class="align-text-top noRightClick twitterSection" data="
">ओडिशा ट्रेन हादसा: यातायात बहाल करने का कार्य प्रगति पर है। pic.twitter.com/cvlbn5nhzA
— Ministry of Railways (@RailMinIndia) June 3, 2023ओडिशा ट्रेन हादसा: यातायात बहाल करने का कार्य प्रगति पर है। pic.twitter.com/cvlbn5nhzA
— Ministry of Railways (@RailMinIndia) June 3, 2023
20 ఏళ్లలో 3 సార్లు కోరమాండల్‌కు ప్రమాదం.. రెండు ఒడిశాలోనే!
Odisha Train Crash : అయితే శుక్రవారం నాటి ఘటనతో కలిపి ఇదే కోరమాండల్ ఎక్స్‌ప్రెస్‌ గడిచిన 20 ఏళ్లలో మూడు సార్లు ప్రమాదానికి గురైంది. హవ్‌డా- చెన్నై మధ్య నడిచే ఈ రైలు.. మూడుసార్లూ చెన్నై వెళ్లేటప్పుడే ప్రమాదం జరిగింది. అదీ మూడుసార్లూ శుక్రవారం రోజే ప్రమాదం జరిగింది. ఇందులో రెండుసార్లు ఒడిశాలో, ఒకసారి ఏపీలో జరిగింది.
- 2022 మార్చి 15న చెన్నై వెళుతున్న కోరమాండల్ ఎక్స్‌ప్రెస్‌ రైలు ఏపీలోని నెల్లూరు వద్ద ప్రమాదానికి గురైంది. ఈ ఘటనలో 8 బోగీలు పట్టాలు తప్పాయి. అప్పట్లో ఎవరూ మరణించనప్పటికీ.. 100 మంది వరకు గాయపడ్డారు. నెల్లూరు వద్ద రైలు పట్టాలు సరిగా లేకపోవడం ప్రమాదానికి కారణమైంది.
- 2009 ఫిబ్రవరి 13న ఒడిశాలోని జైపుర్‌ జిల్లాలో ఇదే రైలు ప్రమాదానికి గురైంది. ఈ ఘటనలో 13 బోగీలు పట్టాలు తప్పాయి. 16 మంది మృతి చెందగా.. 200 మంది గాయపడ్డారు.
- 4 ఏళ్ల తర్వాత 2023 జూన్‌ 2న ఒడిశాలోని బహానగా బజార్‌ రైల్వే స్టేషన్‌కు సమీపంలో ప్రమాదానికి గురైంది. 11 కోచ్‌లు పట్టాలు తప్పగా.. దాదాపు 280 మందికిపైగా మరణించారు. 1000 మందికి పైగా గాయపడ్డారు.
- ఇవీ చదవండి:
- లూప్లైన్లోకి 'కోరమాండల్'.. అందుకే ప్రమాదం.. ఘటన జరిగిందిలా..
- 'బాధ్యులపై కఠిన చర్యలు తప్పవు'.. ప్రమాదస్థలిని సందర్శించిన మోదీ.. క్షతగాత్రులకు పరామర్శ
- ఒడిశా ప్రమాదంపై సీఎంల సంతాపం.. పరిహారం ప్రకటించిన స్టాలిన్.. వారి కోసం స్పెషల్ రైళ్లు
- 'సిగ్నలింగ్ వైఫల్యం వల్లే ఒడిశా ప్రమాదం.. 'కవచ్‌' ఉంటే ఘటన జరిగేదే కాదు!'
- Odisha Train Accident : పరిమళించిన మానవత్వం.. అర్ధరాత్రి వేలమంది రక్తదానం
- 288కు చేరిన రైలు ప్రమాద మృతుల సంఖ్య.. క్షతగాత్రులకు ఉచిత చికిత్స.. వారికి మోదీ థ్యాంక్స్
