ముంబయి డ్రగ్స్ కేసులో(mumbai drug case news) తనపై వచ్చిన ఆరోపణలపై మహారాష్ట్ర ప్రభుత్వం చేపట్టిన దర్యాప్తునకు వ్యతిరేకంగా బాంబే హైకోర్టును ఆశ్రయించారు ఎన్సీబీ జోనల్ అధికారి సమీర్ వాంఖడే(sameer wankhede news). తనకు అరెస్ట్ నుంచి రక్షణ కల్పించాలని కోరారు. అలాగే.. ఈ అంశంపై సీబీఐ లేదా ఏదైనా కేంద్ర ఏజెన్సీతో దర్యాప్తు చేయించాలని విజ్ఞప్తి చేశారు.
సమీర్ వాంఖడేపై(sameer wankhede news) నాలుగు భిన్న ఫిర్యాదులు అందినట్లు కోర్టుకు తెలిపారు మహారాష్ట్ర ప్రభుత్వం తరఫు న్యాయవాది. ఏసీపీ స్థాయి అధికారి దర్యాప్తు చేపట్టారని, అయితే ప్రస్తుతానికి ప్రారంభ దశలోనే ఉన్నట్లు చెప్పారు. ఇప్పటి వరకు ఎలాంటి ఎఫ్ఐఆర్ నమోదు చేయలేదన్నారు. అవినీతి నిరోధక చట్టం కింద కేసు నమోదు చేస్తే 72 గంటల ముందే నోటీసులు ఇవ్వనున్నట్లు తెలిపారు.
అరెస్ట్ చేయటానికి 3 రోజుల ముందే నోటీసులు ఇస్తామని మహా ప్రభుత్వం తరఫు న్యాయవాది తెలిపిన నేపథ్యంలో.. వాంఖడే పిటిషన్ను కొట్టివేసింది కోర్టు.
పార్టీ నిర్వాహకులపై చర్యలేవి: మహా మంత్రి
క్రూయిజ్ డ్రగ్స్ కేసు(mumbai drug case news) ఫేక్ అని తరచుగా ఆరోపణలు చేస్తున్న మహారాష్ట్ర మంత్రి నవాబ్ మాలిక్ మరోమారు ఎన్సీబీ తీరును ప్రశ్నించారు. పార్టీ నిర్వహకులపై చర్యలు ఎందుకు తీసుకోవటం లేదో చెప్పాలని డిమాండ్ చేశారు. ఆ పార్టీ నిర్వహకుడు ఎన్సీబీ జోనల్ అధికారి సమీర్ వాంఖడేకు స్నేహితుడని పేర్కొన్నారు. 'ఎలాంటి అనుమతి లేకుండా అంత పెద్ద పార్టీ ఎలా నిర్వహించగలిగారు? ఫ్యాషన్ టీవీ ఇండియా హెడ్, సమీర్ వాంఖడే స్నేహితుడైన కాశిఫ్ ఖాన్పై చర్యలు ఎందుకు తీసుకోవటం లేదు? ఈ ప్రశ్నలకు వాంఖడే నుంచి సమాధానం కోరుతున్నా' అని పేర్కొన్నారు.
'వాంఖడే తండ్రి పేరు దావూద్'
సమీర్ వాంఖడే(sameer wankhede news) మతంపై కీలక వ్యాఖ్యలు చేశారు ఆయన మొదటి భార్య తండ్రి డాక్టర్ జహీద్ ఖురేషీ. వాంఖడే కుటుంబం ఇస్లాంను పాటిస్తుందని, ఆయన తండ్రి పేరు దావూద్ అని పేర్కొన్నారు. తన కూతురితో వివాహం తర్వాత ఇస్లాం మతాన్ని అనుసరించేవారని, తరచుగా మసీదులకు వెళ్లేవారని గుర్తు చేసుకున్నారు. ఇటీవల తలెత్తిన వివాదం తర్వాతే వాంఖడే హిందువు అనే విషయం తనకు తెలిసినట్లు చెప్పారు.
ఠాక్రేకు వాంఖడే భార్య లేఖ..
డ్రగ్స్ కేసులో(mumbai drug case news)అవినీతి ఆరోపణలు వెల్లువెత్తుతున్న క్రమంలో మహారాష్ట్ర ముఖ్యమంత్రి ఉద్ధవ్ ఠాక్రేకు లేఖ రాశారు ఎన్సీబీ అధికారి సమీర్ వాంఖడే భార్య క్రాంతి రెద్కర్ వాంఖడే. తన కుటుంబం, వ్యక్తిగత జీవితంపై జరుగుతున్న దాడులపై న్యాయం చేయాలని కోరారు. ఈ లేఖను తన ట్విట్టర్ ఖాతాలో పోస్ట్ చేసి మహారాష్ట్ర సీఎంఓను ట్యాగ్ చేశారు.
మంత్రిపై ఫిర్యాదు
తన వ్యక్తిగత గౌరవానికి భంగం కలిగించారని మహారాష్ట్ర మంత్రి నవాబ్ మాలిక్పై ఓషివారా పోలీసులకు ఫిర్యాదు చేశారు సమీర్ వాంఖడే సోదరి యాస్మీన్ వాంఖడే. సామాజిక మాధ్యమాల వేదికగా తన కుటుంబంపై తీవ్ర ఆరోపణలు చేస్తున్నారని, తమ కుటుంబం మాల్దీవులకు వెళ్లడాన్ని దోపిడీ ట్రిప్గా అభివర్ణిస్తున్నారని ఫిర్యాదులో పేర్కొన్నారు. తనకు, తన కుటుంబ గౌరవానికి భంగం కలిగించేందుకు నవాబ్ మాలిక్ ప్రయత్నిస్తున్నారని ఆరోపించారు.
ఎన్సీబీతో ప్రజలను వేధిస్తున్నారు: జయంత్ పాటిల్
ప్రజలను వేధించటం, వారి పరువుప్రతిష్ఠలకు భంగం కలిగించేందు కోసం ఎన్సీబీని వినియోగిస్తున్నారని ఆరోపించారు మహా మంత్రి, ఎన్సీపీ రాష్ట్ర అధ్యక్షుడు జయంత్ పాటిల్. పార్టీ నేత నవాబ్ మాలిక్కు మద్దతుగా నిలిచారు. ఆయన నిజాలను వెలుగులోకి తెచ్చారని పేర్కొన్నారు. లోతైన దర్యాప్తు చేపట్టాలని డిమాండ్ చేశారు.
ఇదీ చూడండి: వాంఖడేపై దర్యాప్తు షురూ- వాంగ్మూలం నమోదు చేసిన ఎన్సీబీ
