Flight cancellation compensation India : మీరు విమాన ప్రయాణం ఎక్కువగా చేస్తుంటారా? అయితే ఈ విషయం తెలుసుకోవాల్సిందే!. విమానయాన సంస్థలు మీ వద్ద టికెట్ ఉండి బోర్డింగ్ సమయంలో ఫ్లైట్ ఎక్కించుకోకపోతే.. మీకు రూ.20 వేలు నష్ట పరిహారం అందనుంది. ఒకవేళ ఫ్లైట్ రద్దయితే పాసింజర్లకు సంబంధిత ఎయిర్లైన్స్ సంస్థలు రూ.10వేల వరకు పరిహారం చెల్లించాల్సి ఉంటుంది.
డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ) త్వరలోనే ఈ నిబంధనలను అమలు చేయనుంది. ఇటీవలే విమానయాన సంస్థలపై ప్రయాణికుల నుంచి ఫిర్యాదులు వెల్లువెత్తుతున్న నేపథ్యంలో డీజీసీఏ ఈ మేరకు నిబంధనలను తీసుకువచ్చింది. వచ్చే ఏడాది ఫిబ్రవరిలో ఈ రూల్స్ అమలవుతాయని సమాచారం.
ఫ్లైట్ రద్దు అయితే?..
- విమానయాన సంస్థ తమ విమానాన్ని రద్దు చేయాలని భావిస్తే.. రెండు వారాల ముందుగానే ప్యాసింజర్లకు తెలిపి ప్రత్యామ్నాయ ఫ్లైట్ను ఏర్పాటు చేయాలి.
- ప్రయాణానికి ఒక రోజు లేదా రెండు వారాల లోపు ఫైట్ రద్దు చేస్తే.. ప్రత్యామ్నాయ విమానాన్ని ఏర్పాటు చేయాలి లేదా టికెట్ సొమ్మును తిరిగి చెల్లించాలి.
- 24 గంటల కంటే తక్కువ వ్యవధిలో ఎయిర్‌లైన్ సంస్థ విమానాన్ని రద్దు చేస్తే.. ప్యాసింజర్లకు అత్యధికంగా రూ.10 వేల వరకు పరిహారం చెల్లించాల్సి ఉంటుంది. అందుకు సంబంధించిన వివరాలను డీజీసీఏ తెలిపింది.
బోర్డింగ్కు నిరాకరిస్తే?..
- ఫ్లైట్లో ఓవర్బుకింగ్ జరిగితే.. సంబంధిత ఎయిర్లైన్స్ సంస్థ ప్రయాణికులతో సంప్రదించి నిర్ణయం తీసుకోవాలి.
- విమానయాన సంస్థలు బోర్డింగ్కు నిరాకరిస్తే.. గంటలోపు వేరే ఫ్లైట్ను ఏర్పాటు చేయాలి లేకపోతే రూ.20 వేల వరకు పరిహారం చెల్లించాలి.
