Kerala Fibre Optic Network Inauguration : 20 లక్షల కుటుంబాలకు ఉచిత ఇంటర్నెట్ అందించేందుకు అడుగు ముందుకేసింది కేరళ ప్రభుత్వం. అందులో భాగంగా చేపట్టిన కే-ఫోన్ (కేరళ ఫైబర్ ఆప్టిక్ నెట్వర్క్) ప్రాజెక్టును సోమవారం కేరళ ముఖ్యమంత్రి పినరయి విజయన్ ప్రారంభించారు. ఈ ప్రాజెక్టులో భాగంగా చౌక ధరలకు ఇంటర్నెట్ను అందించనున్నారు. ప్రస్తుతం మార్కెట్లో ఉన్న ధరలకన్నా.. తక్కువ ధరలకే ఇంటర్నెట్ను అదిస్తామని కేరళ ప్రభుత్వం చెబుతోంది. కే-ఫోన్లో పాజెక్టు మొదటి దశలో భాగంగా 14 వేల ఇళ్లకు ఇంటర్నెట్ కనెక్షన్ ఇవ్వనున్నారు. అందులో తొలుత ప్రతి నియోజకవర్గంలో 100 కుటుంబాలకు ఇంటర్నెట్ సేవలు అందిస్తామని ప్రభుత్వం ప్రకటించింది. కే-ఫోన్లో పాజెక్టు మొదటి దశలో ప్రతి నియోజకవర్గంలో 100 కుటుంబాలకు ఇంటర్నెట్ సేవలు అందిస్తామని ప్రభుత్వం ప్రకటించింది. అంతేకాకుండా దారిద్య్ర రేఖకు దిగువన ఉన్న కుటుంబాలకు ఉచితంగా హై స్పీడ్ ఇంటర్నెట్ సేవలు అందిస్తామని చెప్పింది.
K-FON Kerala : ఆర్థికంగా వెనుకబడిన 20 లక్షల కుటుంబాలకు ఉచిత ఇంటర్నెట్ సేవలను అందిస్తామని కేరళ ప్రభుత్వం గతంలో హామీ ఇచ్చింది. అందులో భాగంగానే కే-ఫోన్ ప్రాజెక్టుకు రూపకల్పన చేసింది. ఈ ప్రాజెక్టును కేరళ రాష్ట్ర ఐటీ ఇన్ఫ్రాస్ట్రక్చర్ లిమిటెడ్, కేరళ రాష్ట్ర విద్యుత్ బోర్డు సంయుక్తంగా అమలు చేస్తున్నాయి. ఈ ప్రాజెక్టులో భాగంగా 40 లక్షల కనెక్షన్లు తీసుకోవచ్చు. 20 ఎంబీపీఎస్ వేగంతో ఇంటర్నెట్ సేవలను అందించనున్నారు. వ్యక్తిగత అవసరాలకు ఇంకా ఎక్కువ వేగంతో ఇంటర్నెట్ సేవలు అందుబాటులో రానున్నాయి. 30 వేల ప్రభుత్వ కార్యాలయాకు కనెక్షన్లు, 2,000 బహిరంగ ప్రదేశాల్లో వైఫై సౌకర్యం అందించనున్నారు. ఈ ప్రాజెక్టు పూర్తి స్థాయిలో అమలైతే ఎక్కడైనా హై స్పీడ్ ఇంటర్నెట్ను వినియోగించుకోవచ్చు.
కే-ఫోన్ టారిఫ్ వివరాలను కూడా కేరళ ప్రభుత్వం ప్రకటించింది. ప్రాథమిక ప్లాన్ రూ.299 (జీఎస్టీ లేకుండా)కు 20 ఎంబీపీఎస్గా ఉంది. దీంతో పాటు ప్రతి నెలా 3000 జీబీ డేటా డౌన్లోడ్ లిమిట్ విధించారు. ఇక ఇందులో అతిపెద్ద ప్లాన్ రూ.1249 (జీఎస్టీ లేకుండా) 250 ఎంబీపీఎస్గా ఉంది. దీంతో పాటు ప్రతినెలా 5000 జీబీ డౌన్లోడ్ లిమిట్ విధించారు.
కే-ఫోన్ ఇంటర్నెట్ సర్వీస్ ప్రొవైడర్లను టెండర్ ప్రక్రియ ద్వారా ఎంపిక చేస్తారు. జూన్ నెలాఖరుకల్లా అన్ని ప్రభుత్వ కార్యాలయాల్లో కే-ఫోన్కు ఇప్పటివరకు 1000 మందికి పైగా సబ్స్క్రైబర్లు ఉన్నారు. 7000 కెనెక్షన్లకు కేబుల్స్ వేయడం పూర్తైంది. 17,280 ప్రభుత్వ కార్యాలయాలకు ఇప్పటికే కనెక్షన్లు ఇచ్చారు. 10 జిల్లా కలెక్టరేట్లు కే-ఫోన్ సేవలను వినియోగించుకుంటున్నాయి. ఈ ప్రాజెక్టును రూ. 1,500 కోట్ల అంచనా వ్యయంతో మొదలుపెట్టింది కేరళ సర్కార్. ఇందులో భాగంగా ఇప్పటికే 30 వేల కిలోమీటర్ల కేబుళ్లు వేశారు.
