పర్యటకులకు శుభవార్త తెలిపారు సీరం ఇనిస్టిట్యూట్ ఆఫ్ ఇండియా సీఈఓ అదర్ పూనావాలా. సీరం సంస్థ అభివృద్ధి చేసిన కొవిడ్ టీకా కొవిషీల్డ్ను.. 16 ఐరోపా దేశాలు అధికారికంగా గుర్తించాయన్నారు. ఈ వ్యాక్సిన్ తీసుకున్నవారిని తమ దేశంలోకి అనుమతించేందుకు ఆయా దేశాలు అంగీకరించాయన్నారు.
అయితే ఒక్కో దేశంలో ఒక్కో విధంగా ప్రయాణ నిబంధనలు ఉన్నందున పర్యటకులు జాగ్రత్తగా ఉండాలని పూనావాలా ట్విట్టర్ ద్వారా సూచించారు.
కొవిషీల్డ్ టీకాను అనుమతించిన దేశాల్లో ఆస్ట్రియా, బెల్జియం, బల్గేరియా, ఫిన్లాండ్, జర్మనీ, గ్రీస్, స్పెయిన్.. తదితర దేశాలు ఉన్నాయి.
ఇదీ చదవండి: పిల్లల కోసం సీరం కొత్త టీకా- ఉత్పత్తి షురూ
