బిహార్ గయాలోని మొన్బార్ గ్రామంలో ఓకే కుటుంబానికి చెందిన నలుగురిని ఉరి తీశారు నక్సలైట్లు(naxalite attack in gaya). వారి ఇంటిని బాంబుతో పేల్చారు. మరణించిన వారు ఇద్దరు అన్నదమ్ములు, వారి భార్యలుగా తెలుస్తోంది. ఈ కుటుంబం ఇన్ఫార్మర్లుగా వ్యవహరించినందు వల్ల గతంలో జరిగిన ఓ ఎన్కౌంటర్లో నలుగురు మావోయిస్టులు ప్రాణాలు కోల్పోయారని, అందుకు ప్రతీకారంగానే ఇప్పుడు ఈ చర్యకు పాల్పడినట్లు నక్సలైట్లు పోస్టర్ అంటించారు(gaya naxal attack). గ్రామంలో ఎవరైనా తమకు నమ్మక ద్రోహం చేస్తే వారికీ ఇదే గతి పడుతుందని హెచ్చరించారు.
ఆదివారం తెల్లవారుజామున 4 గంటలకు ఈ ఘటన జరిగినట్లు తెలుస్తోంది. సమాచారం అందగానే పోలీసులు, సీఆర్పీఎఫ్ సిబ్బంది హూటాహుటిన ఘటనా స్థలానికి చేరుకున్నారు. ఎస్ఎస్పీ ఆదిత్య కుమార్, ఎస్పీ రాకేశ్ కుమార్ పరిస్థితిని పర్యవేక్షిస్తున్నారు. పదుల సంఖ్యలో సిబ్బందితో గ్రామంలో పహారా కాస్తున్నారు.
దాదాపు 25 మంది నక్సలైట్లు సమూహంగా వచ్చి ఈ నలుగురిని ఉరి తీసినట్లు గ్రామంలోని ప్రత్యక్ష సాక్షి తెలిపారు(gaya news). గతంలోనూ మార్చ్గా వచ్చి బెదిరించినట్లు వెల్లడించారు. నక్సలైట్ల చర్యతో గ్రామంలో భయానక వాతావరణం నెలకొంది. ఏ క్షణం ఏం జరుగుతుందోనని ప్రజలంతా బిక్కుబిక్కుమంటూ గడుపుతున్నారు.
గతేడాది ఏం జరిగింది?
గతేడాది మొన్బార్ గ్రామంలో సర్జు సింగ్ భోక్తా అనే వ్యక్తి ఇంటి వద్ద ఎన్కౌంటర్ జరిగింది(bihar gaya naxal news). పోలీసులు ఎదురుకాల్పుల్లో నలుగురు నక్సలైట్లు ప్రాణాలు కోల్పోయారు. వీరిలో ఒకరి శవం సర్జు ఇంటి ఎదుటే కనిపించగా.. మిగతా ముగ్గురి మృతదేహాలు ఆ పరిసర ప్రాంతాల్లో పడి ఉన్నాయి. వీరి నుంచి భారీగా ఆయుధాలను కూడా పోలీసులు స్వాధీనం చేసుకున్నారు(naxal attack in bihar). అయితే ఇది ఎన్కౌంటర్ కాదని సీపీఐ మవోయిస్టు నక్సలైట్లు ఆరోపించారు. సర్జు సింగ్ భోక్తా ఇంటికి వెళ్లిన నలుగురు మావోయిస్టులకు ఆహారంలో విషం కలిపి పెట్టారని, ఆ తర్వాత పోలీసులకు సమాచారమిచ్చారని చెప్పారు. అనంతరం పోలీసులు.. స్పృహలో లేని నలుగురిని కాల్చి చంపి ఎన్కౌంటర్గా నమ్మించారని పేర్కొన్నారు.
ఈ ఘటనకు ప్రతీకారంగానే తాము సర్జు సింగ్ భోక్తా ఇంటిపై దాడి చేశామని కరపత్రంలో మావోయిస్టులు పేర్కొన్నారు(naxal attack today). మరణించిన నలుగురిని సర్జు సింగ్ ఇద్దరు కుమారులు సాతిందర్ సింగ్ భోక్తా, మహేంద్ర సింగ్ భోక్తా, వారి భార్యలుగా గుర్తించారు.
నక్సలైట్లు శనివారం రాత్రి గ్రామానికి చేరుకుని ఆదివారం తెల్లవారుజామున ఈ దుశ్చర్యకు పాల్పడినట్లు ఎస్ఎస్పీ ఆదిత్య కుమార్ వెల్లడించారు. ఇప్పుడు గ్రామమంతా తమ నియంత్రణలో ఉందని, సాయంత్రం వరకు పోలీసులు మావోయిస్టులపై విజయం సాధిస్తారని చెప్పారు. ఘటనను సమీక్షించిన అనంతరం మరిన్ని వివరాలు వెల్లడిస్తామన్నారు.
ఇదీ చదవండి: మహారాష్ట్ర ఎన్కౌంటర్లో 26 మంది నక్సల్స్ మృతి
