India Omicron death: ఒమిక్రాన్ నుంచి కోలుకున్న 73 ఏళ్ల వృద్ధుడు.. ఉదయ్పుర్ ఆసుపత్రిలో శుక్రవారం మరణించినట్లు వైద్యాధికారులు తెలిపారు. డిసెంబరు 21, 25 తేదీల్లో ఆ వ్యక్తికి రెండుసార్లు ఒమిక్రాన్ పరీక్షలు చేయగా నెగటివ్ వచ్చినట్లు పేర్కొన్నారు.
చనిపోయిన వ్యక్తి పోస్ట్-కొవిడ్ నిమోనియాతో బాధపడుతున్నాడని ఉదయపుర్ సీఎంహెచ్ఓ డాక్టర్ దినేష్ ఖాధ్రీ వివరించారు. డయాబెటిస్ మెల్లిటస్, హైపర్‌టెన్షన్ తో పాటు హైపో థైరాయిడిజంతో బాధపడుతున్నట్లు పేర్కొన్నారు. పోస్ట్ కొవిడ్ నిమోనియా కారణంగా ఆ వృద్ధుడు చనిపోయినట్లు స్పష్టం చేశారు.
డిసెంబరు 15న ఆ వ్యక్తికి కరోనా పాజిటివ్‌ వచ్చిందని... ఈ క్రమంలోనే జ్వరం, దగ్గు, రినైటిస్‌ వంటి లక్షణాలతో బాధపడుతుండడం కారణంగా ఆసుపత్రిలో చేర్పించినట్లు పేర్కొన్నారు.
ఉదయ్పుర్లో ఇప్పటి వరకు 3 ఒమిక్రాన్ కేసులు నమోదు కాగా.. రాజస్థాన్ రాష్ట్రంలో మొత్తం 69 కేసులు వెలుగు చూశాయి.
