పంజాబ్ సీఎం కెప్టెన్ అమరిందర్ సింగ్ సారథ్యంలోనే వచ్చే ఎన్నికల్లో పంజాబ్ కాంగ్రెస్.. పోటీ చేస్తుందని ఆ పార్టీ ఇన్ఛార్జ్ హరీశ్ రావత్ స్పష్టం చేశారు. పార్టీలో నెలకొన్న సమస్యలను పరిష్కరిస్తామన్నారు. నవ్‌జ్యోత్‌సింగ్‌ సిద్ధూ వర్గం ఎమ్మెల్యేలతో సమావేశం అనంతరం రావత్ మాట్లాడారు. కెప్టెన్ను తొలగించటం సాధ్యం కాదన్న విషయాన్ని చెప్పకనే చెప్పారు.
"పార్టీలో ఇలాంటి వివాదాలు జరుగుతూనే ఉంటాయి. పీసీసీ పదవి నియామకం తర్వాత ఇలాంటి వివాదాలు తలెత్తుతాయని ఊహించాం. మేము సమస్యను పరిష్కరిస్తాం. ప్రతిఒక్కరు సోనియా గాంధీ, రాహుల్ గాంధీని నమ్ముతున్నారు. కానీ ఒక్కసారిగా ఏమైంది. ఎందుకు చాలామంది ఎమ్మెల్యేలు అసంతృప్తితో ఉన్నారు. ఈ సమస్యను త్వరలో పరిష్కరిస్తాం."
-హరీశ్ రావత్, పంజాబ్ కాంగ్రెస్ ఇన్ఛార్జ్
అంతకుముందు నలుగురు కేబినెట్ మంత్రులు రాజిందర్ సింగ్ బజ్వా, సుఖ్బిందర్ సింగ్ సర్కారియా, సుఖ్జిందర్ సింగ్ రంధ్వారా, చరణ్జిత్ సింగ్ ఛన్నిలు హరీశ్ రావత్తో సమావేశం నిర్వహించారు.
నవ్‌జ్యోత్‌సింగ్‌ సిద్ధూ వర్గానికి చెందిన కొందరు ఎమ్మెల్యేలు.. ఇప్పటికే ముఖ్యమంత్రి అమరిందర్ సింగ్పై తీవ్ర విమర్శలు చేశారు. తమకిచ్చిన హామీలను కెప్టెన్ నెరవేర్చలేదని ఆరోపించారు.
ఇవీ చదవండి:
