ఆ సర్వీసులు ఉచితంగా అందించాలని సుప్రీంలో పిల్​

మొబైల్​ కాలింగ్​, డేటా, టీవీ సర్వీసులు ఉచితంగా అందించాలంటూ సుప్రీం కోర్టులో ప్రజా ప్రయోజన వ్యాజ్యం దాఖలైంది. మనోహర్​ ప్రతాప్​ అనే వ్యక్తి ఈ పిల్​ ధాఖలు చేశారు. కరోనా లాక్​డౌన్​ కారణంగా ఇళ్లకే పరిమితమైన ప్రజల ఒత్తిడిని తగ్గించడానికి ఈ సర్వీసులు తోడ్పడతాయని పిటిషన్​లో పేర్కొన్నారు.

దేశవ్యాప్తంగా లాక్​డౌన్ విధించడం వల్ల ప్రజలందరు ఇళ్లకే పరిమితమయ్యారు. వారి ఒత్తిడిని తగ్గించేందుకు మొబైల్ కాలింగ్, డేటా, టీవీ సర్వీసులు ఉచితంగా అందించాలంటూ సర్వోన్నత న్యాయస్థానంలో ప్రజా ప్రయోజన వ్యాజ్యం దాఖలైంది. మనోహర్ ప్రతాప్ అనే వ్యక్తి ఈ పిల్​ను దాఖలు చేశారు.

ఇవి కూడా..

మొబైల్, టీవీ సర్వీసులతో పాటు అమెజాన్, నెట్​ఫ్లిక్స్ వంటి వీడియో స్ట్రీమింగ్ వెబ్​సైట్లు కూడా ఉచితంగా నిరంతరాయంగా అందించాలని పిటిషన్​లో పేర్కొన్నారు. లాక్​డౌన్ ఉన్నంత కాలం ఇలా ఉచిత సేవలు అందించేలా ఆయా సంస్థలను ఆదేశించాలని పిటిషనర్ కోరారు.

ఇదీ చూడండి: కరోనాపై 'అమ్మ, నాన్న, ఓ ఏడేళ్ల అమ్మాయి' పోరు