వాహనాలపై పడ్డ బండరాయి- నలుగురు మృతి

ఉత్తరాఖండ్​లోని  న్యూ టిహరీలో కొండపై నుంచి పెద్దబండరాయి వాహనాలపై పడి నలుగురు మృతి చెందారు. 8 మంది తీవ్రంగా గాయపడ్డారు. వీరంతా కావడి యాత్రలో పాల్గొన్న భక్తులు.

ఉత్తరాఖండ్ న్యూ టిహరీ జిల్లాలోని నరేంద్ర నగర్​ ప్రాంతంలో కొండచరియలు విరిగిపడిన ఘటనలో నలుగురు మృతి చెందారు. 8 మందికి తీవ్ర గాయాలయ్యాయి. వీరంతా కన్వారియాలు(కావడి యాత్రలో పాల్గొనే భక్తులు).

మృతుల్లో ముగ్గురు హరియాణాకు చెందిన వారు. టాటా సుమోలో ప్రయాణిస్తున్నారు. మరొకరు పక్కనే మోటార్ వాహనంపై ఉన్నారు. కావడి యాత్రలో పాల్గొని రుషికేశ్​​లోని గంగోత్రి నుంచి పవిత్ర నీటితో తిరిగి ఇళ్లకు చేరకుంటుండగా ప్రమాదం జరిగింది. కొండప్రాంతంలోని రోడ్డుపై వెళ్తున్న వీరి వాహనాలపై ఉన్నట్టుండి ఓ పెద్ద బండరాయి పైనుంచి పడింది. ఈ ధాటికి వాహనాలు నుజ్జునుజ్జయ్యాయి. ఏం జరిగిందో తెలిసేలోపే ప్రాణాలు కోల్పోయారు. గాయపడ్డ 8 మందిని రుషికేశ్​ ఎయిమ్స్​కు తరలించారు.