అంటరానితనాన్ని వ్యతిరేకిస్తూ 1932లో స్థాపించిన 'హరిజన్ సేవక్ సంఘ్' కోసం నిధుల సేకరణకు సంబంధించి.. మహాత్మా గాంధీ లిఖించిన లేఖను వేలం వేయనున్నట్లు అధికారులు తెలిపారు.
బోస్టన్కు చెందిన 'ఆర్ఆర్ ఆక్షన్' అనే సంస్థ ఈ లేఖను ఆన్లైన్లో వేలానికి ఉంచనుంది. సుమారు 15వేల డాలర్లు పలుకుతుందని అధికారులు అంచనా వేస్తున్నారు. 1932 అక్టోబరు 9 నాటి కాలానికి చెందిన ఈ లేఖను గాంధీ స్వహస్తాలతో రాశారు.
లేఖలో పేర్కొన్న అంశం
ప్రియమైన మిత్రులారా.. సంఘీభావం తెలుపుతూ మీరు పంపిన లేఖకు కృతజ్ఞతలు తెలుపుతున్నా. ఈ నిధులను జి.డి. బిర్లా అధ్యక్షతన ఏర్పాటు చేసిన అంటరానితనం వ్యతిరేక సంఘానికి పంపిస్తాను.
-మోహన్‌ దాస్ కరంచంద్‌ గాంధీ
దేశంలో నెలకొన్న అంటరానితనం అనే భావనను నిర్మూలించాలనే సంకల్పంతో.. 1932లో బాపూజీ హరిజన్ సేవక్ సంఘ్ను స్థాపించారు. గాంధీ సన్నిహితుడు, పారిశ్రామిక వేత్త ఘనశ్యామ్ దాస్ బిర్లా సంస్థ బాధ్యతలు చేపట్టారు. హరిజన్ సేవక్ సంఘ్ ద్వారా అణగారిన వర్గాలకు దేవాలయాలు, పాఠశాలలు, రోడ్లు, తాగునీరు వంటి అనేక సదుపాయాలను కల్పించారు.
మే 13 నాటికి ముగియున్న ఈ వేలంలో.. ప్రముఖుల ఆటోగ్రాఫ్లు, కళాఖండాలూ దర్శనమిస్తాయి.
