స్నేహితుడితో కలిసి బావను నడిరోడ్డుపైనే కత్తులతో పొడిచి దారుణంగా హత్య చేశాడు ఓ బావమరిది. తన చెల్లి ఆత్మహత్యకు కారణమయ్యాడనే కక్షతో ఈ కిరాతకానికి పాల్పడ్డాడు. కర్ణాటక బెంగళూరులో సెప్టెంబరు 21న జరిగిన ఈ ఘటనకు సంబంధించి ఇద్దరు నిందితులను అదుపులోకి తీసుకున్నారు పోలీసులు.
ఏం జరిగింది?
జాన్పాల్ సోదరి జాస్మిన్ కొద్ది రోజుల క్రితం ఆత్మహత్య చేసుకుంది. 7 సంవత్సరాల క్రితమే ఆమెకు రాజేష్తో వివాహం జరిగింది. భర్త, అత్తమామల వేధింపులు తాళలేకే బలవన్మరణానికి పాల్పడుతున్నట్లు చనిపోయే ముందు జాన్పాల్కు ఫోన్ చేసి చెప్పింది జాస్మిన్.
తన చెల్లి మరణానికి బావ రాజేషే కారణమని జాన్ కక్ష పెంచుకున్నాడు. అతడిని అంతమొందించాలని నిశ్చయించుకున్నాడు. స్నేహితుడు దినేశ్తో కలిసి అదును చూసి సెప్టెంబర్ 21న బావను దారుణంగా హత్య చేశాడు. ఈ దృశ్యాలు సీసీ టీవీ కెమెరాలో రికార్డయ్యాయి.
