'గబ్బిలాల ద్వారానే కరోనా వ్యాపించి ఉండొచ్చు'

గబ్బిలాల ద్వారానే కరోనా వైరస్ వ్యాపించినట్లు ఐసీఎంఆర్​ శాస్త్రవేత్త గంగఖేడ్కర్ పేర్కొన్నారు. నిజానికి గబ్బిలాలకు కరోనా వైరస్ మానవులకు వ్యాపింపజేసే సామర్థ్యం లేదని చెప్పిన ఆయన.. ముందుగా గబ్బిలాల నుంచి అలుగుకు వాటి నుంచి మానవులకు వ్యాపించి ఉంటుందని ఆయన అభిప్రాయపడ్డారు.

కరోనా వైరస్ గబ్బిలాల ద్వారానే వ్యాపించినట్లు ఇండియన్ కౌన్సిల్ ఆఫ్ మెడికల్ రీసెర్చ్​ (ఐసీఎంఆర్) శాస్త్రవేత్త గంగఖేడ్కర్ భావించారు.

"కరోనా వైరస్ ముందుగా గబ్బిలాల నుంచి గబ్బిలాలకు వ్యాపించింది. తరువాత వాటి నుంచి పాంగోలిన్లకు సోకి ఉంటుంది. పాంగోలిన్ల నుంచి ఈ ప్రాణాంతక వైరస్ మానవులకు వ్యాపించి ఉండాలి." - గంగఖేడ్కర్, ఐసీఎంఆర్ శాస్త్రవేత్త

రెండు రకాల గబ్బిలాలు

ఐసీఎంఆర్​ కూడా దీనిని పరిశీలించినట్లు గంగఖేడ్కర్​ పేర్కొన్నారు. గబ్బిలాల్లో రెండు రకాలున్నాయని.. వీటికి కరోనా వైరస్​ను మనుషులకు వ్యాపింపజేసే సామర్థ్యం లేదని గంగఖేడ్కర్​ తెలిపారు. అయితే 1000 సంవత్సరాల కొకసారి ఇలా వ్యాప్తి చెందే అవకాశం ఉందని, ఇది చాలా అరుదుగా జరుగుతుందని ఆయన మీడియాకు వెల్లడించారు.

ఇదీ చూడండి: 'దేశంలో మొత్తం 170 హాట్​స్పాట్​ ప్రాంతాలు గుర్తింపు'