డ్రైఫ్రూట్స్ ఆరోగ్యానికి ఎంత మేలు చేస్తాయో వైద్యులు చెబుతూనే ఉంటారు. అయితే ఇన్నాళ్లు... ఎండు ద్రాక్షా.. ఎండిన అప్రికాట్.. ఎండబెట్టిన అంజీరా.. కాజూ,బాదం.. ఇలా డ్రైఫ్రూట్స్లో చాలా రకాలే తిని ఉంటాం. కానీ, ఇప్పుడు మన దేశంలో ఉత్పత్తవుతున్న ఎండు అరటిపండును ఈ జాబితాలోకి చేర్చేశాడు కర్ణాటకకు చెందిన ఓ రైతు.
కష్టం నుంచి ఆలోచన!
![A farmer made natural dry banana fruit during lockdown](https://etvbharatimages.akamaized.net/etvbharat/prod-images/kn-01-bly-190620-farmer-photos-news-ka10007_21062020152419_2106f_1592733259_132_2106newsroom_1592754056_409.jpg)
బళ్లారి, కంపిలి తాలూకా, రామసాగర గ్రామానికి చెందిన కే. గంగాధర్ ఓ సాధారణ రైతు. లాక్డౌన్ వేళ సుగంధి రకం అరటిని సాగు చేశాడు గంగాధర్. కానీ, కరోనా కారణంగా మార్కెట్ పడిపోయి గిట్టుబాటు ధర రాలేదు. దీంతో పెట్టుబడంతా బూడిదలో పోసిన పన్నీరైందని బాధపడ్డాడు. కానీ, మనిషి తలచుకుంటే ఎంతటి విపత్తులోనైనా ఓ మార్గాన్ని వెతకొచ్చని గుర్తించాడు. వెంటనే, అరటిపళ్లు పాడవ్వకుండా వాటిని ఏం చేయొచ్చని ఆలోచించాడు.
![A farmer made natural dry banana fruit during lockdown](https://etvbharatimages.akamaized.net/etvbharat/prod-images/kn-01-bly-190620-farmer-photos-news-ka10007_21062020152419_2106f_1592733259_431_2106newsroom_1592754056_958.jpg)
విదేశాల్లో ఎండు అరటిపండ్లకున్న డిమాండ్ గురించి తెలుసుకున్నాడు గంగాధర్. భారత్లో తనలాంటి రైతులను సంప్రదించాడు. వ్యవసాయ మార్కెట్ కమిటీ ఆవరణలో.. నెల రోజులకు పైగా అరటి పండ్లను ఎండబెట్టి ఓ డబ్బాలో ప్యాక్ చేసి జిల్లాలోని హోల్సేస్, రిటైల్ దుకాణాలకు విక్రయించి లాభాలు పొందుతున్నాడు.
![A farmer made natural dry banana fruit during lockdown](https://etvbharatimages.akamaized.net/etvbharat/prod-images/kn-01-bly-190620-farmer-photos-news-ka10007_21062020152419_2106f_1592733259_531_2106newsroom_1592754056_575.jpg)
ఎండబెట్టిన అరటిపండ్లలో పోషకాలు పుష్కలంగా ఉంటాయని.. ఈ డ్రైఫ్రూట్ను తింటే ఆరోగ్యానికెన్నో లాభాలున్నాయని రాయ్చూర్ వ్యవసాయ వర్సిటీ ధ్రువీకరించింది. దీంతో ప్రభుత్వం సహకరిస్తే... ఈ డ్రై బనానా ఉత్పత్తిని మరింత వృద్ధి చేస్తానంటున్నాడు గంగాధర్.
![A farmer made natural dry banana fruit during lockdown](https://etvbharatimages.akamaized.net/etvbharat/prod-images/kn-01-bly-190620-farmer-photos-news-ka10007_21062020152419_2106f_1592733259_909_2106newsroom_1592754056_1013.jpg)
![A farmer made natural dry banana fruit during lockdown](https://etvbharatimages.akamaized.net/etvbharat/prod-images/kn-01-bly-190620-farmer-photos-news-ka10007_21062020152419_2106f_1592733259_555_2106newsroom_1592754056_174.jpg)
ఇదీ చదవండి: భారతీయ రాగానికి నమస్కరించిన ప్రపంచం!