స్వదేశీయులను తరలిస్తున్న దృశ్యాలు
కరోనా వైరస్ నియంత్రణ కోసం ప్రభుత్వం ఎప్పటికప్పుడు అప్రమత్తంగా వ్యవహరిస్తోంది. వైరస్ అనుమానితులు పెరుగుతుండటం ఒకింత ఆందోళన కలిగిస్తోంది. మహారాష్ట్ర కొల్లాపుర్లో నేడు ఓ కరోనా అనుమానిత వ్యక్తి మృతి చెందాడు. ఇప్పటికే వైరస్ కారణంగా భారత్లో ఇద్దరు బలయ్యారు. ఇప్పటివరకు దేశంలో 110 కరోనా కేసులు నమోదయ్యాయి.
మరో 53మంది..
ఇరాన్లోని భారతీయుల్లో మరో 53 మందిని స్వదేశానికి ప్రత్యేక విమానంలో తీసుకొచ్చారు అధికారులు . వీరిలో ఒక ఉపాధ్యాయుడు, 52మంది విద్యార్థులు ఉన్నట్లు విదేశాంగ మంత్రి జైశంకర్ తెలిపారు. ఇరాన్ నుంచి భారత్ తీసుకొచ్చిన వారి సంఖ్య 389కి చేరిందని పేర్కొన్నారు. ఈ ప్రక్రియలో ఎంతగానో సాయమందించిన ఇరాన్ అధికారులకు, భారత రాయబార కార్యాలయానికి కృతజ్ఞతలు తెలిపారు.
