అసోంలో లిక్కర్ ఆన్లైన్ అమ్మకాలకు తెరతీసింది అక్కడి భాజపా సర్కారు. తొలి విడతలో భాగంగా రాష్ట్రంలోని ప్రధాన నగరమైన గువాహటిలో దీన్ని ప్రారంభించింది. క్రమంగా ఇతర ప్రాంతాలకూ ఈ సేవలను విస్తరించనుంది.
ఈ మేరకు నోటిఫికేషన్ విడుదల చేసిన అసోం అబ్కారీ శాఖ. కరోనా ఆంక్షల నేపథ్యంలో ఈ నిర్ణయం తీసుకున్నట్లు వివరించింది. మద్యం దుకాణాల ముందు భారీగా జనం గుమిగూడకుండా ఉంచేందుకు ఇది దోహదపడుతుందని తెలిపింది. విదేశీ మద్యం, బీర్లు, నాటు సారా తదితర ఉత్పత్తులను ఆన్లైన్ ద్వారా విక్రయించనున్నట్లు స్పష్టం చేసింది.
వారికి నో!
ఉదయం 11 నుంచి రాత్రి 10 గంటల వరకు మద్యం హోం డెలివరీ అందుబాటులో ఉంటుంది. అర్హులైన వినియోగదారులు మూడు లీటర్ల వరకు మద్యాన్ని ఆర్డర్ చేయవచ్చు. డెలివరీ ఏజెంట్లు ఒకేసారి 9 లీటర్లకు మించి మద్యాన్ని తమ వెంట ఉంచుకునే వీలు లేదు. అయితే, హాస్టళ్లు, విద్యా సంస్థలు, ప్రభుత్వ కార్యాలయాలు, ప్రార్థనా ప్రదేశాలకు వీటి డెలివరీ ఉండదు.
బంగాల్, ఒడిశా, ఛత్తీస్గఢ్, దిల్లీ, కర్ణాటక, కేరళ, పంజాబ్ రాష్ట్రాలు ఇప్పటికే మద్యం హోం డెలివరీని ప్రారంభించాయి.
ఇదీ చదవండి: ఈ నెల 14 నుంచి మద్యం 'హోమ్ డెలివరీ'!
