ఉత్తర్ప్రదేశ్‌లోని రాయ్‌బరేలీ జిల్లాలో మద్యానికి బానిసైన ఓ కోతి మద్యం వ్యాపారులకు చుక్కలు చూపిస్తోంది. షాపుల్లోకి చొరబడి మద్యం సీసాలను ఎత్తుకెళ్తోంది. షాపుల నుంచి మద్యాన్ని కొనుక్కొని వెళ్తున్న వారి నుంచి మద్యం బాటిళ్లను లాక్కుంటోంది. అడ్డుకోబోయిన వారిపై దాడి చేస్తోంది. కోతి బీరు తాగుతున్న వీడియో ఒకటి ప్రస్తుతం సామాజిక మాధ్యమాల్లో వైరల్‌గా మారింది.
"కోతి నిత్యం షాపులపై దాడి చేసి బాటిళ్లను ఎత్తుకెళుతోంది. మమ్మల్ని, కస్టమర్లను తీవ్ర ఇబ్బందులకు గురి చేస్తోంది. అడ్డుకోబోతే కోపంతో దాడి చేస్తోంది." అని అక్కడి ఓ షాపు యజమాని వాపోయాడు.
"మద్యానికి బానిసైన కోతి ఇక్కడి షాపు యజమానులకు, మద్యం కస్టమర్లకు ఇబ్బందిగా మారింది. అటవీ శాఖ సహకారంతో ఈ కోతిని పట్టుకునేందుకు ప్రయత్నిస్తున్నాం." అని జిల్లా ఎక్సైజ్ అధికారి రాజేంద్ర ప్రతాప్ సింగ్ తెలిపారు.
-
रायबरेली में बंदर का शराब पीने का वीडियो हुआ वायरल जो शराब की दुकान में आने वाले लोगो से शराब छीन लेता है और गटक जाता है। pic.twitter.com/We8qaAY4pi
— Anurag Mishra (@AnuragM27306258) October 30, 2022 " class="align-text-top noRightClick twitterSection" data="
">रायबरेली में बंदर का शराब पीने का वीडियो हुआ वायरल जो शराब की दुकान में आने वाले लोगो से शराब छीन लेता है और गटक जाता है। pic.twitter.com/We8qaAY4pi
— Anurag Mishra (@AnuragM27306258) October 30, 2022रायबरेली में बंदर का शराब पीने का वीडियो हुआ वायरल जो शराब की दुकान में आने वाले लोगो से शराब छीन लेता है और गटक जाता है। pic.twitter.com/We8qaAY4pi
— Anurag Mishra (@AnuragM27306258) October 30, 2022
మరోవైపు లఖ్నవూ-కాన్పూర్ రహదారి దగ్గర నవాబ్‌గంజ్ ప్రాంతంలో ఇలాంటి ఘటనే జరిగింది. ఇక్కడా ఓ కోతి మద్యానికి బానిసై ప్రాణాలు పోగొట్టుకుంది. మొదటగా కోతికి బీరు కొని తాగించాడు ఓ కస్టమర్. తరువాత తరచుగా బీరు కొనిచ్చేవాడు. రోజూ చల్లని బీరుకు అలవాటుపడ్డ కోతి కాలేయ సమస్యలతో బాధ పడుతూ మృతి చెందింది.
