Rajasthan accident in barmer: రాజస్థాన్ బాడ్మేర్ జిల్లాలో ఘోర ప్రమాదం జరిగింది. ఓ కారును.. ట్రక్కు ఢీకొట్టిన ఘటనలో ఒకే కుటుంబంలోని ఎనిమిది మంది ప్రాణాలు కోల్పోయారు. మృతుల్లో ఇద్దరు చిన్నారులు సైతం ఉన్నారు. సోమవారం రాత్రి ఈ ప్రమాదం జరిగినట్లు పోలీసులు తెలిపారు. క్షతగాత్రుల్లో ఇద్దరి పరిస్థితి విషమంగా ఉందని చెప్పారు.
ప్రయాణికులంతా జాలౌర్ జిల్లాలోని సాంచోర్లో నివాసం ఉంటున్నారు. గుదామాలానీ వద్ద నిర్వహించిన ఓ వేడుకలో పాల్గొనేందుకు వెళ్తున్నారు. గుదామాలానీ 8 కిలోమీటర్ల దూరంలో ఉందనగా ఈ ప్రమాదం జరిగింది. ఆరుగురు అక్కడికక్కడే చనిపోగా, తీవ్రంగా గాయపడ్డ నలుగురిని గుదామాలానీ ప్రభుత్వ ఆస్పత్రికి తీసుకెళ్లారు. ఇద్దరు చికిత్స పొందుతూ ప్రాణాలు కోల్పోయారు. మిగిలిన ఇద్దరిని మెరుగైన చికిత్స కోసం సాంచోర్కు తరలించారు. ప్రమాదంలో వాహనం పూర్తిగా ధ్వంసమైంది. చక్రాలు, డోర్లు, స్టీరింగ్.. కారు నుంచి విడిపోయాయి.
ఇదీ చదవండి:
