Instagram Is Down : ప్రముఖ ఫొటో, వీడియో స్ట్రీమింగ్‌ ప్లాట్‌ఫామ్‌ ఇన్‌స్టాగ్రామ్‌ సేవల్లో అంతరాయం ఏర్పడింది. అప్లికేషన్‌ లాగిన్‌తో పాటు సర్వర్‌ కనెక్షన్‌కు సంబంధించిన విషయాల్లో తీవ్ర అంతరాయం ఏర్పడినట్లు తెలుస్తోంది. దీనితో పలువురు యూజర్లు వివిధ సామాజిక మాధ్యమాల్లో ఫిర్యాదులు చేస్తున్నారు.
డౌన్‌డిటెక్టర్‌ వెబ్‌సైట్‌ ప్రకారం, దాదాపు 64 శాతం మంది యూజర్లకు యాప్ లాగిన్‌ సమయంలో, 24 శాతం మంది వినియోగదారులకు సర్వర్‌ కనెక్షన్‌లో ఇబ్బందులు ఎదుర్కొంటున్నారు. యాప్ ఓపెన్‌ చేయగానే ‘Something went wrong’ అని వస్తోందని ‘ఎక్స్‌’ వేదికగా పలువురు యూజర్లు తెలిపారు. దీనిపై సోషల్‌మీడియా వేదికగా పలువురు నెటిజన్లు అసహనం వ్యక్తంచేస్తున్నారు. దిల్లీ, జైపుర్‌, లఖ్‌నవూ, ముంబయి, అహ్మదాబాద్‌, కలకత్తా, హైదరాబాద్‌, చెన్నైల్లోని యూజర్లు ఎక్కువగా ఈ సమస్యను ఎదుర్కొంటున్నారు. అయితే దీనిపై ఇప్పటి వరకు సదరు డిజిటల్ ప్లాట్‌ఫామ్‌ స్పందించలేదు.
