లోన్​యాప్​ వేధింపులకు మరో ప్రాణం బలి - చెరువులో దూకి విద్యార్థి ఆత్మహత్య

Loan App Student Suicide : లోన్ యాప్ వేధింపులు తాళలేక ఓ విద్యార్థి ఆత్మహత్య చేసుకున్న ఘటన పేట్ బషీరాబాద్ పోలీస్ స్టేషన్ పరిధిలో చోటుచేసుకుంది. మృతుడి మొబైల్​లో లోన్​యాప్​నకు సంబంధించిన ఛాటింగ్​ ఆధారంగా ఈ విషయం వెలుగులోకి వచ్చింది. కుత్బులాపూర్​, గాంధీ నగర్​కు చెందిన భాను ప్రకాశ్ (22​) అరోరా కళాశాలలో మాస్టర్స్​ చదువుతున్నాడు. ఇటీవల లోన్ ​యాప్స్​లో ప్రకాశ్​ కొంత నగదును తీసుకున్నాడు.

తర్వాత వారి వేధింపులు తాళలేక ఇబ్బంది పడుతూ ఉండేవాడు. ఇలా మదనపడుతూ గురువారం సాయంత్రం ఫాక్స్​ నగర్​ చెరువులో దూకి ఆత్మహత్య చేసుకున్నాడు. అనుమానంతో తల్లిదండ్రులు ఫిర్యాదు చేయగా, మొబైల్​ లొకేషన్​ ద్వారా ఆచూకీని తెలుసుకున్న పోలీసులు చెరువు వద్దకు వెళ్లి చూస్తే అతని దుస్తులు, వాహనం కనపడటంతో గాలింపు చర్యలు చేపట్టి భాను మృతదేహాన్ని వెలికితీశారు. ఈ మేరకు కేసు నమోదు చేసుకుని దర్యాప్తు చేస్తున్నారు.