Mission Impossible The Final Reckoning Teaser Trailer : విశేష ప్రేక్షకదరణ సొంతం చేసుకున్న హాలీవుడ్‌ ఫ్రాంచైజీల్లో మిషన్ ఇంపాజిబుల్. టామ్ క్రూయిజ్ ప్రధాన పాత్రలో వచ్చిన మిషన్ ఇంపాజిబుల్ సిరీస్లోని సినిమాలు అన్నీ ప్రపంచ వ్యాప్తంగా ఉన్న సినీ అభిమానులను ఆకట్టుకున్నాయి. అలాగే బాక్సాఫీస్ ముందు భారీ హిట్ అయి, కలెక్షన్స్ వర్షం కురిపించాయి.
అందుకే ఈ మిషన్ ఇంపాజిబుల్ సినిమాలకు అన్ని దేశాల్లో అభిమానులు ఉంటారు. భారత్లోనూ మిషన్ ఇంపాజిబుల్కు చాలా మంది ఫ్యాన్స్ ఉన్నారు. ఇక్కడి బాక్సాఫీస్ ముందుకు కూడా భారీ వసూళ్లే వచ్చాయి. అయితే ఇప్పటికే మిషన్ ఇంపాజిబుల్లో 7 సినిమాలు రాగా ఇప్పుడు 8వ సినిమా వచ్చేందుకు సిద్ధమైంది.
మిషన్ ఇంపాజిబుల్ 7వ సినిమా డెడ్ రికనింగ్కు కొనసాగింపుగా మిషన్ ఇంపాజిబుల్: ది ఫైనల్ రెకనింగ్‌ రానుంది. తాజాగా ఈ మిషన్ ఇంపాజిబుల్ – ఫైనల్ రికనింగ్ రిలీజ్ డేట్ను అఫీషియల్గా అనౌన్స్ చేస్తూ టీజర్ ట్రైలర్ను విడుదల చేశారు మేకర్స్
మిషన్ ఇంపాజిబుల్ – ఫైనల్ రికనింగ్ సినిమా 2025 మే 23న ప్రపంచవ్యాప్తంగా రిలీజ్ కానున్నట్లు తెలిపారు. ట్రైలర్ కూడా యాక్షన్ సన్నివేశాలతో, ఆసక్తిగా ఏం జరగబోతుందో అనేలా కట్ చేసారు. ప్రస్తుతం ఈ టీజర్ ట్రైలర్ తెగ ట్రెండింగ్ అవుతోంది.
కాగా, ఈ మిషన్ ఇంపాజిబుల్ ఫైనల్ రికనింగ్ తెలుగులో కూడా రిలీజ్ అవ్వనుంది. అందుకే దీని టీజర్ ట్రైలర్ను తెలుగులో కూడా రిలీజ్ చేసారు. దీంతో ఫ్యాన్స్ సంతోషం వ్యక్తం చేస్తున్నారు. ఇకపోతే ఈ సినిమాతోనే ఈ మిషన్ ఇంపాజిబుల్ సిరీస్ను ఆపేయనున్నారు. ఇక ఈ సిరీస్లో ఇదే లాస్ట్ సినిమా అని గతంలోనే ప్రకటించారు. మీరు కూడా ఈ మిషన్ ఇంపాజిబుల్ ఫైనల్ రికనింగ్ ట్రైలర్ను తెలుగులో చూసేయండి.
1500 ఏళ్ల నాటి ప్రపంచం, రూ.300 కోట్ల బడ్జెట్ - 'కంగువా' 10 ఆసక్తికర విశేషాలివే!
బ్యాక్ టు బ్యాక్ రిలీజెస్తో రష్మిక మందాన్న - 10 నెలల్లో 6 సినిమాలతో!
