ఆటోను ఢీకొన్న లారీ - పదో తరగతి విద్యార్థిని మృతి

Student Died in Road Accident at Habsiguda : హైదరాబాద్‌ హబ్సిగూడలో ఘోర రోడ్డు ప్రమాదం జరిగింది. ఓ ఆటోను లారీ వెనక నుంచి ఢీకొట్టడంతో ఆర్టీసీ బస్సు కిందకు దూసుకెళ్లింది. స్థానికుల సమాచారం మేరకు ఘటనా స్థలికి చేరుకున్న పోలీసులు, క్రేన్ సహాయంతో ఆటోను బయటకు తీశారు.

ఆటోలోని క్షతగాత్రులను నాచారంలోని ప్రైవేట్ ఆస్పత్రికి తరలించగా, చికిత్స పొందుతూ విద్యార్థిని సాత్విక (15) మృతి చెందింది. డ్రైవర్‌ ఎల్లయ్య పరిస్థితి విషమంగా ఉంది. విద్యార్థిని సాత్విక గౌతమ్ మోడల్ స్కూళ్లో పదో తరగతి చదువుతున్నట్లు పోలీసులు తెలిపారు.