Man Died After Jumping From The Building : కొంతమంది కలిసి జూదం ఆడుతున్నారన్న సమాచారంతో హైదరాబాద్ టాస్క్ఫోర్స్ పోలీసులు దాడులు నిర్వహించారు. ఈ దాడుల సమయంలో పోలీసులను చూసి తప్పించుకునే క్రమంలో ఓ వ్యక్తి భవనం మూడో అంతస్తు నుంచి దూకడంతో మృతి చెందాడు. ఈ ఘటన లాలాగూడ పోలీస్ స్టేషన్ పరిధిలో చోటుచేసుకుంది.
విశ్వసనీయ సమాచారం ప్రకారం : గురువారం రాత్రి లక్ష్మీనగర్ ప్రాంతంలోని ఓ భవనంపై కొందరు వ్యక్తులు గుట్టు చప్పుడు కాకుండా జూదం ఆడారు. ఈ క్రమంలోనే లాలాపేటకు చెందిన వినయ్కుమార్(35) రాత్రి 10 గంటల సమయంలో అక్కడకు వెళ్లాడు. సమాచారమందుకున్న పోలీసులు ఆ ఇంటిపై దాడులు నిర్వహించారు. వారి నుంచి తప్పించుకునే క్రమంలో వినయ్కుమార్ మూడో అంతస్తు పైనుంచి కిందికి దూకాడు. ఈ క్రమంలో అతడికి తీవ్రగాయాలయ్యాయి. దీంతో అతడిని ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.
