నర్సింహులపేట విద్యార్థిని మృతికి కారణమైన వ్యక్తి అరెస్ట్​

Mahabubabad Student Suicide Case Update : విద్యార్థినిని వేధింపులకు గురి చేసి ఆమె మరణానికి కారణమైన వ్యక్తిని పోలీసులు అరెస్టు చేసి రిమాండ్​కు తరలించారు. రెండు రోజుల క్రితం ఓ యువతి చనిపోయే ముందు తన తమ్ముళ్లకు రాఖీ కట్టిన విషయం తెలిసిందే. అలా రాఖీ కట్టిన కొద్ది గంటల్లోనే ఆమె మృతి చెందింది. ప్రస్తుతం ఈ వీడియో సోషల్​ మీడియాలో వైరల్​ అవుతోంది. ఈ సంఘటన మహబూబాబాద్​ జిల్లా నర్సింహుపేట మండలంలోని ఓ తండాలో జరిగింది. డిప్లొమా మొదటి ఏడాది చదువుతున్న యువతిని ఓ ఆకతాయి ప్రేమ పేరుతో వేధించేవాడు. ఆ వేధింపులకు తట్టుకోలేక ఆమె గడ్డిమందు తాగి ఆత్మహత్యాయత్నానికి ప్రయత్నించింది. అది గమనించిన కుటుంబ సభ్యులు వెంటనే ప్రైవేటు ఆసుపత్రికి తరలించారు. చికిత్స పొందుతూ ఆమె ఆదివారం మరణించింది.