Online Cyber Fraud in Jangaon : ఆన్లైన్ మోసానికి గురైన ఓ వ్యాపారి ఏకంగా రూ.88 వేలు పోగొట్టుకున్న ఘటన జనగామ జిల్లా పాలకుర్తి మండల కేంద్రంలో ఆలస్యంగా వెలుగులోకి వచ్చింది. పాలకుర్తి మండల కేంద్రంలో వ్యాపారం చేస్తూ, వారి కుమారుడిని విదేశాల్లో చదివిస్తున్నారు. ఈనెల ఆగస్టు 18న సైబర్ నేరగాళ్లు వాట్సాప్ కాల్చేసి సీబీఐ నుంచి మాట్లాడుతున్నామని, మీ అబ్బాయి ఓ అమ్మాయిని యాక్సిడెంట్ చేశాడని చెప్పారు.
గాయపడ్డ వారికి చికిత్సతో పాటు, కేసు కాకుండా ఉండేందుకు రూ.3 లక్షలు ఇవ్వాలని డిమాండ్ చేశాడు. ఫోన్ కాల్కట్ చేస్తే మీ అబ్బాయిని కాల్చేస్తామని సైబర్ నేరగాళ్లు బెదిరించారు. భయానికి గురైన ఆ వ్యక్తి యూపీఐ ద్వారా రూ.88 వేలు పంపించారు. వెంటనే అతని భార్య కుమారుడికి ఫోన్ చేయగా ఎలాంటి యాక్సిడెంట్ చేయలేదని అతను చెప్పడంతో, వారు మోసానికి గురయ్యామని తెలుసుకొని పోలీసులకు ఫిర్యాదు చేశారు.
