Minister Seethakka On Anganwadi : ఏజెన్సీ ప్రాంతాల్లో కొత్త అంగన్వాడీ కేంద్రాలను మంజూరు చేయాలని కేంద్ర మహిళా శిశు సంక్షేమ శాఖ మంత్రి అన్నపూర్ణదేవిని రాష్ట్ర మంత్రి సీతక్క కోరారు. రాష్ట్రాల మహిళ, శిశు సంక్షేమ శాఖ మంత్రులతో కేంద్ర మంత్రి అన్నపూర్ణ దేవి నిర్వహించిన వీడియో కాన్ఫరెన్స్లో సీతక్క పాల్గొన్నారు. రాష్ట్రంలో అమలు చేస్తున్న సంక్షేమ పథకాలను వివరించిన ఆమె పలు అవసరాలను ప్రస్తావించారు. అంగన్వాడీ కేంద్రాల్లో టీచర్లకు ట్యాబ్లు ఇవ్వాల‌ని కేంద్ర మంత్రిని కోరారు.
అంగ‌న్వాడీల్లో నర్సరీ తరగతులను ప్రారంభిస్తున్నట్లు తెలిపిన సీతక్క కేంద్రం నుంచి మరింత సహకారం అందించాలని కోరారు. రాష్ట్రంలో 3,989 మినీ అంగన్వాడీ కేంద్రాలను మెయిన్ అంగన్వాడీలుగా మార్చినట్లు వివరించారు. రిటైర్ అయ్యే అంగన్వాడీ టీచర్లకు రూ.2 లక్షలు ఆయాల‌కు ల‌క్ష రూపాయ‌ల బెనిఫిట్స్ ఇవ్వబోతున్నట్లు సీతక్క కేంద్ర మంత్రికి వివరించారు.
