సర్కారు కీలక ప్రకటన - ప్రభుత్వ పాఠశాలలకు ఇకనుంచి ఉచిత విద్యుత్​

Telangana Govt Key Decision : రాష్ట్రంలోని ప్రభుత్వ పాఠశాలలపై సర్కారు కీలక నిర్ణయం తీసుకుంది. అన్ని ప్రభుత్వ విద్యాసంస్థలకు ఉచిత విద్యుత్ అందివ్వాలని నిర్ణయించింది. ఇవాళ ఉపాధ్యాయ దినోత్సవ కానుకగా ప్రభుత్వం ఈ ప్రకటన చేసింది. ఈమేరకు ఇంధన కార్యదర్శి రోనాల్డ్ రోస్ ప్రభుత్వ పాఠశాలలకు ఉచిత విద్యుత్​కు సంబంధించిన ఉత్తర్వులు జారీ చేశారు. రాష్ట్రంలోని ప్రభుత్వ విద్యా సంస్థలకు ఉచిత విద్యుత్ వెంటనే అమలుచేయనున్నట్లు జీఓలో రోనాల్డ్ రోస్ వెల్లడించారు. విద్యా సంస్థల జాబితాను తయారు చేయాలని విద్యా శాఖ కార్యదర్శికి ప్రభుత్వం ఆదేశాలు జారీచేసింది.