Chocolates Drugs In Hyderabad : ఉత్తరప్రదేశ్‌ నుంచి హైదరాబాద్కు తరిలించిన గంజాయి చాక్లెట్‌ ప్యాకెట్లను శంషాబాద్ ఎక్సైజ్ పోలీసులు పట్టుకున్నారు. శంషాబాద్ ప్రాంతాల్లో ప్రతి శనివారం జరిగే పార్టీలపై ఎక్సైజ్ పోలీసులతో డీటిఎఫ్‌ ఫోర్స్‌ సోదాలు నిర్వహిస్తున్నారు. ఈ సోదాల్లో భాగంగా రూ.7 లక్షల విలువైన 1.65 కేజీల గంజాయి చాక్లెట్ల ప్యాకెట్లు స్వాధీనం చేసుకున్నారు.
శంషాబాద్లో జరుగుతున్న పలు చోట్ల అధికారులు తనిఖీలు చేశారు. ఇదే క్రమంలో ద్విచక్ర వాహనంపై బియాస్‌ గుప్తా అక్రమంగా గంజాయి చాక్లెట్‌ తరలిస్తుండగా ఎక్సైజ్ అధికారులు పట్టుకున్నారు. తనిఖీల్లో భాగంగా పట్టుబడిన వ్యక్తితో పాటు గంజాయి చాక్లెట్లను స్వాధీనం చేసుకున్నారు. పోలీసులు కేసు నమోదు చేసి దర్యాప్తు చేస్తున్నారు.
